Gattivaccia nutizia amaparata à una settimana di Natale. S’hè spentu u nostru amicu caru José de Nobili, anzianu famosu ghjurnalistu spurtivu è dinò u « Babbu » di u HAC, di e seguite d’una longa malatia. Quantu averà furmatu ghjovani ghjurnalisti? Quantu averà scrittu articuli di stampa à un’epica induve ùn ci era nè urdinatore, nè telefuninu, nè internet. José ci face sfuglià più di quaranta anni di ghjurnalisimu spurtivu insulanu. Ci hà da mancà ancu s’ella ferma a so opera è soprattu a so passione di u mistieru…U ghjurnalisimu isulanu hè in dolu dopu avè persu unu di i soi stu mercuri. S’hè spentu José de Nobili d’una longa malatia. Un omu chì ci permette di sfuglià quaranta anni di ghjurnalisimu spurtivu. José, ghjera nanzu à tuttu un passiunatu di sportu. Anzianu ghjucadore di handball è ancu di scherma, avia pruvatu parechje discipline. Ma fù monda cunniscitu cum’è famosu presidente di u HAC, più anziana di e squadre di hand à un’epica induve a disciplina ùn si ghjucava chè in licei è culleghji. U HAC, prima squadra corsa è una presidenza di cinquanta anni induve n’avia vistu passà ghjucadore. José de Nobili, fù, à tempu, un famosu ghjurnalistu chì seguitò, d’altronde, u GFCA nantu à Corse Matin -induve ellu principiò in u 1958- durante e so campagne in campiuantu di Francia amatore. Fece ùn sò quantu spiazzamenti in tutti i rughjoni per seguità a so squadra di core. À un’epica induve ùn ci era nè urdinatori, nè telefunini, nè Internet. Ci vulia un fogliu, una penna, eppo un vechju telefonu per dittà u sò scrittu à una stenò. Tandu, ci vulia una passione tamanta. Passione ch’ellu hà sulcata sin’à a so retirata in u 1998. Per pudè cunsacrà si à u so HAC caru. Averà vistu, nanzu di parte, e femine cullà in naziunale 2. Avemu persu un amicu, un omu di core. Forse ritruverà, quassù d’altri cumpagni, Santu Canazzi, Dumè Figarella è Paulu Rossi.
Ultime Nutizie
- Lega 2 – Dumé Guidi di ritornu incu Bastia di fronte à Clermont
- La liste de Stéphane Vannucci votera ” contre” celle de Jean-Luc Airola
- Lega 2 – L’AC Ajaccio prête Mathieu Michel à Valenciennes
- Atlas Quest – Vittoria per Santelli è Giordano !
- Lega 2 – L’AC Aiacciu evita u peghju contru Martigues (1-1)
- Ligue 2 – Mathieu Chabert : « On fait le dos rond »
- Lega 2 – U scontru Pau – SC Bastia riportatu
- Lega 2 – U Sporting novu leader dopu a so vittoria di fronte à Paris FC