Si ghjocava l’ultima ghjurnata di u campiunatu di Corsica di Regiunale 1, chì hà cunsacratu u Sudu FC. Jean-Réné Moracchini, presidente di a liga corsa di ballò hà rimessu u titulu à a furmazione pumuntinca chi accede à u Naziunale 3. Afa è u SVARR seguitanu à a classifica. A Casinca hè quinta.
In regiunale 2, u GFCA hà vintu contr’à u Nebbiu (2/1) è si mantene in testa di a classifica davant’à Purtivechju. Fermanu torna duie ghjurnate di cumpetizione.
