Primu di a classifica di u so gruppu in Naziunale trè, u Sporting riceve à Saint-Omer issu sabbatu in Furiani per l’ottesimu giru di a cuppa di Francia. Nanzu, in casu di vittoria, di ghjucà in trentaduiesima di finale, di fronte à Concarneau. U macciu di campiunatu di fronte à Côte Bleu, secondu di a classifica (à5punti) hè stat rimessu…
Primu di u so gruppu cù vintottu punti è sopratuttu cinque d’avanza nantu à Côte Bleu, secondu di a classifica, sempre qualificatu in cuppa di Francia cù, forse, una piazza in 32a di ghjennaghju, un publicu fidu à a so squadra, un gruppu « nustrale », a stagione 2018-2019 si passa, per avà, propiu bè per l’omi si Stefanu Rossi. Aspettendu un maccione di fronte à Côte Bleu, ghjè a cuppa di Francia chì serà à l’appuntamentu di i Bastiacci issu sabbatu cù l’ottesima di finale di fronte à Saint-Omer. Una partita ch’ùn s’era pussutu ghjucà sabbatu scorsu per via di u gattivu tempu (ventu forte). In casu di vittoria, u Sporting riceverà, torna una volta in Furiani. È ancu s’è Concarneau ghjoca cum’è d’altronde Le Mans, in Naziunale una, si pò pensà issu Sporting quì capace di passà dinò stu giru. Tandu, ci saria un bigliettu per e sedicesime di finale di a cuppa. In campiunatu, u macciu di fronte à Côte Bleu pare decisivu. In casu di vittoria, u SCB avaria un’avanza impurtante è, forse, dighjà un pede in Naziunale dui. Pudaria, tandu, pinsà à fà un bellu percorsu in cuppa di Francia. Perchè micca riceve una Lega Una in Furiani ? (Liò !!!)
