Ind’una cunferenza di stampa data eri in Mezavia, Christophe Ettori, respunsevule di u GFCA hà prisentatu l’assi maiò à cortu andà, di a squadra rossa è turchina. S’hè trattatu, cusì di u prughjettu spurtivu cù a nova squadra tecnica cumposta da David Ducourtioux, addestradore generale è Jérôme Lemoigne, aghjuntu incaricatu di u ricrutamentu…
Ghjè una partanza nova ch’ellu principia u GFCA, cascatu in N2 di marzu scorsu dopu à l’affare di u Covid è l’arrestu di e cumpetizione. Passatu in dodeci mesi da a Lega Dui à à u CFA, u Gazelec vole riparte à zeru in tutti i duminii. Cusì, è ind’u filu di a ghjunta di dirgenti novi ch’anu da purtà finanze, s’hè trattatu eri, à l’occasione di a presentazione di a staghjone 2020-2021, di l’assi maiò ch’anu da, à più o menu cortu andà. esse sviluppati Un’urganisazione chì hà da parte d’inghjò à u capu di a struttura. Cù, u scopu di ritruvà u più prestu pussibule, u nivellu prufessiunale. Per ghjunghjeci, i dirigenti si sò dati i mezi cù una squadra tecnica nova: David Ducourtioux, in tantu chè addestradore generale è Jérôme Lemoigne, incaricatu di u ricrutamenti. U prughjettu di l’annu chì vene in N2 hè statu presentatu, eri, in Mezavia. U GFCA s’arrimba, cusì, nantu à sette ghjucadori di l’annu scorsu (Goguey ch’era feritu, Filippu, Balijon, Pollet, Pineau, Pélican, Finidori), è a ghjunta di nove ghjucadori in tutti e ligne (Durimel, Gamboa, Cottes, Daury, Gameiro, Duclos, Shiashia, Gyebohao, Graziani per custruisce un gruppu guasgi cumplettu (manca un attaccante) purtatu à vintidui elementi cù a presenza di quattru ghjovani di a squadra riserva (Bartoletto, Troffa, Finidori, Fernandez…).
Arrimbatu à dui anziani ghjucadori ch’anu purtatu a maglietta rossa è turchina in Lega Una, u GFCA vole, avà ritruvà u so estru anticu. A ripresa hè privista per issu luni. Dopu à dui mesi di preparazione necessarie per via di u siscu, è sei macci amichevuli, u GFCA principierà a cumpetizione u vintidui d’aostu…
