In u a cunferenza di stamp
a data issu mercuri matina in Purtichju, i dirigenti è l’addestradore di u GFCA anu prisentatu un pianu novu per l’annu chì vene. À u nivellu di a squadra prufessuinale, solu trè ghjucadori anu da stà (Bruckhert, Radic è Castard) è ottu novi ghjunghjenu. Per u restu, a squadra vole fà a scumessa di a furmazione à più u menu longu andà è ingaghjà una riserva in NIII per l’annu chì vene.
Per colpu d ‘u bugettu calatu di 300 000 e, u GFCA hè statu custresttu di scambià a so strategia. « Vuliamu ghjucà u titulu di campione di Francia, spiega Fred Ferrandez l’addestradore, è francà issu passu chì ci mancava, ma semu stati custretti di travaglià intornu à un altra strategia. » Cusì, issu mercuri in Purtichju, i dirigenti è l’addestradore anu prisenrtatu à stampa, u so prughjettu. A u nivelli di u gruppu prufessiunale, a maiò parte di i ghjucadori sò pertuti fora di Radic, Bruckhert è Castard. U gruppu di dodeci atleti, si cumpunerà dunque di ghjucadori novi: quattru ghjovani (Aria, Moracchini, Lomba è Roatta) in giru à ghjucadori di sperienza (Ben Tara, compiipunti di Chaumont, Kroiss, un libari chì ghjunghje da l’Austria, Milivojevic, un attaccante di Serbia è una surpresa, a scumessa di Runming, un ghjucadore chinese à a passa, per a maiò parte. Per u restu, u club aiacciu aspetta l’agremente da i FFV per apre u so centru di furmazione è, à tempu, ingaghjà una squadra in NII per, à più o menu longu andà, fà ghjucà i so ghjovani. A ripresa hè privista u 2 di settembre è u campiunatu u 15 d’ottobre. Frà tempu, u GFCA ghjocherà qualchì ghjustre è macci amichevuli…
