Dopu à l’ultimi regulamenti d’eri in Castagniccia è i primi tempi induve-surpresa o strategia per d’altri- ghjè l’Inglese Kris Meeke (Toyota) chì hà pigliatu a suprana, u Giru pò principià oghje per i novantasei participnanti. Sei prove speciale è un percorsu di centuvinti chilometri sò priviste issu vennari…
Sò novantasei à parte cù frà elli, v
intisette corsi, ùn si sà quantu fermeranu dumenica in Calvi. U sessantuiesimu Giru di Corsica s’annuncia da veru, passiunante. Ciò chì hè sicura hè chì l’imbusca hè maiò chè nimu hè solu favuritu d’issa corsa. Tandu, trà Ogier (Citroën), Loeb (Hyundai), Tänak (Toyota), Neuville (Hyundai), Mikkelsen è d’altri, ùn si sà quale hè chì ghjunghjerà u primu in Balagna da quì à dui ghjorni è dopu à più di trè centu chilometri. I piloti principianu issu vennari in Alta Rocca induve ùn ci hè più statu apertura di u Giru dapoi u…1989 (vittoria di Ddier Auriol à l’epica). Sei prove speciale per, un percorsu di centu vinti chilometri aspettanu i participanti. Frà elli, i piloti corsi cum’ è Camilli è Loubet (WEC2) ma dinò d’altri (Nannucci, Fraymouth, Filippi…) chì sunnieghjanu, per certi, di ghjunghje sin’à Calvi o perchè micca, di participà à a festa è di zifrà i cronometri i più alti per scrive u so nome à iss’edizione…
