A Lega contru à u cancaru è i so partenarii (CCI2A, Cità
d’Aiacciu, CROS di Corsica) urganizeghjanu, issa dumenica, a terza
edizione di l’Urban Trail Aiaccina. Una manera d’impegnà si, cù a corsa à
pedi contru à a malatia…
Lià u sportu è a salute, impegnà si contru à a malatia di u Cancaru, eccu ciò chì fù u scopu ricercatu da a Lega contru à u cancaru è i so
partenarii (CCI2A, Cità d’Aiacciu, CROS di Corsica) per mette in piazza, trè anni fà, a prima edizione di « l’Urban Trail Aiaccina». Una manifestazione induve tutti, chjuchi o maiò, spurtivi o micca, s’impegnanu. E una corsa ch’esiste in parechje cità di Francia ma ch’anu vulsutu fà, quì, à modu soiu. Per a terza edizione, è dopu à una sensibisazione maiò di tutta a squadra, l’urganizatori anu privistu un percorsu appena scambiatu. Tandu, ci serà, per i più capaci, una corsa di 12 chilometri passendu per u Casone è cullendu sin’à e Creste per rifalà in cità. Per quelli ch’ùn anu micca li stessa cundizione fisica, una marchja di cinque chilometri in centru di a cità li permetterà dinò di purtà un sustegnu à a manifestazione. Ghjè l’occasione, per tutti, di piazzà l’ambiente è a sulidarità à mezu à una corsa spurtiva. E quessu hè, da veru, una bona per arrimbà si nantu à e parolle di Coubertin.
Ultime Nutizie
- U GFCA casca l’arme in manu di fronte à Cannes (1-3)
- U GFCA in finale di i play-off (3-0)
- Bastien Caraccioli: « Sparta un mumentu tutti insemi »
- Squadra Corsa : la Corsica Cup se tiendra à Corte, Afa et Ajaccio du 22 au 25 mai
- Joseph Baghioni remporte le marathon d’Ajaccio
- Marc’Andria Quessada à mezu à i maiò!
- L’ACA sfurtunatu di fronte à Auxerre (0-1)
- Le CNOSF confirme le retrait d’un point à Bastia en Ligue 2