L’anzianu aghjuntu dedicatu à a preparazione fisica di u GFCA hà zifratu a settimana scorsa à…u PSG induve serà incaricatu di a sezzione feminile sottu à u respunsabilità di Olivier Echouafni. Una bella prumuzione per un omu di valore è di cumpetenze.
In Mezavia, nimu s’hè scurdatu di Sébastien Lopez-Guia, chì fù incaricatu di a preparazione fisica di i prufessiunali à l’épica d’oru di u club (2014-2015 è 2015-2016). Avia purtatu a so petra, cù u prufessiunalisimu è e cumpetenze ch’è noi li cunniscimu, à l’accessione di u Gazelec in Lega una. Passatu per Monaco, l’OM o i Suizzi di Neufchâtel Xamax, s’hè custruitu una bella reputazione chì li permette, dopu à una sperienza cù a selezzione naziunale d’Aitì, di principià un percorsu novu à u PSG. Una logica per un omu rinumatu, oghje, in u mondu di u ghjocu à ballò frances è aldilà. Cuntattatu per rimpiazzà à Pierre Lassus, l’aghjuntu serà incaricatu di sezzione feminile di u PSG, squadra maiò di nivellu internaziunale, sottu à a respusabilità di Olivier Echouafni. Sébastien Lopez-Guia hà da ritruvà in Parrighji, una vechja »cunniscenza » di u ballò corsu, Beruno Valencony, anzianu guardianu di u Sporting incaricatu ellu, di e purtiere di u PSG. Preghemu à Sébastien, Listessa furtuna chè quella cunnisciuta altrò
