À menu de sedeci anni, iss’atletu isulanu hà vintu u campiunatu di Francia di judo a settimana scorsa in Parrighji. Una bona per a disciplina in Corsica, masimu chè e femine piglianu a suprana nantu à i masci…
In Judo avemu l’abitudine, dapoi anni è anni, di mintuà e femine corse, ch’elle sighinu e surelle Gneto, di sicuru, capimachje d’una disciplina induve a Corsica si piglia e medaglie una apressa à l’altra, o, Ghjuliana Ballo, l’ultima zitella à esse unurata. Dapoi a settimana scorsa, i masci cumencianu, elli dinò, à fà si valè. Orso Dermée-Feracci, menu di sedeci anni hè statu curunnatu campione di Francia dopu à una cumpetizione gestita senza tremà. Certu, face parte di a squadra di Sucy (rughjone parrighjini), ma t’hà e so radiche in Aiacciu induve elliu hà principiatu. Trè anni fà, avia dighjà vintu una ghjustra internaziunale in u Rughjone di Parrighji. Stu titulu l’hà da permette di fà si rimarcà è forse, di cuntinuà à fà a so strada
