L’associu « Aiacciu Futevolei » in leia cù a municipalità d’Aiacciu urganizeghja da u 19 à u 21 du lugliu u mundiale di Futevolei. Vinti squadre ghjunte da tredeci paesi ci anu da participà nantu à a piazza Miot. Cù un « cumpare » chjamatu…Marcelo
Una dopu à a vittoria di Vinicius è Paranà, pigliemu guasgi listessi per una manifestazione m
aiò. A u capu, incaricata di l’urganizazione cù a municipalità (Franck Dubernet, delegatu), Philippe Caviglioli, respunsevule di l’associu « Aiacciu Futevolei ». Torna una volta, i ghjucadori di a pianetta « Futevolei » seranu prisenti ghjunti da tredeci paesi: Brasile, Spagna, Austria, Paraguai, Israele, Alemagna, Ollanda, Purtugallu, Francia, Argentina, Stati Uniti, Italia, è di sicuru a Corsica. In tuttu, vinti squadre per una cumpetizione chì s’hà da ghjucà in trè ghjorni: e fase di qualificazione (u vennari) è finale (sabbatu sera è dumenica). I quattru primi d’ogni gruppu averanu a so piazza per a seguita. I ghjucadori di u Brasile (trè squadre) seranu difficiuvule da batte, masimu u paghju Vinicius-Paranà ch’avia vintu l’annu scorsu. Attenti dinò à u Paraguai (una di e più forte square di u mondu), a Spagna o u Purtugallu (Santos-Pineiro campioni d’Aurupa in u 2017). A Corsica, ella, t’averà quattru squadre: Caviglioli-Ortolano, MIniconi-Ottavi, Cervasio-Poggi è Pireddu-Leca (sempre quì). S’è u Brasile sera favuritu di a cumpetizione nantu à a piazza Miot scambiata, per l’occasion in terrenu di Futevolei cù tonne di rena è una tribuna di 600 piazze, daretu puderà esse più strettu per e piazza d’onore (sè i Brasilianichì t’averanu trè squadre, ùn li piglianu micca tutte). In fine, per esse cumpletti, l’urganizatori anu riesciutu à cunvice un certu…Marcelo (ghjucadore di u Real Madrid) d’esse u cumpare di a manifestazione. Da chì dà un altru interessu…
