U mezu terrenu di l’AJ Auxerre, chì era in fine di cuntrattu cù a so squadra, hà zifratu, dumenica scorsa à l’ACA. Hè u secondu ghjucadore à ghjunghje in Aiacciu dopu à Allassane N’Diaye (Clermont). L’ACA hè avà in cerca d’attaccanti è d’altri ghjucadori. U gruppu saria guasgi cumplettu à a ripresa u 24 di ghjugnu.
L’ACA face, pian’ pianu u so mercatu. S’è tutti l’impresti sò pertuti, un primu ghjucadore avia zifratu u cinque di ghjugnu: Alassane N’Diaye, mezu terrenu di Clermont. Dapoi dumenica, u gruppu biancu è rossu s’hè arricchitu d’un altru ghjucadore. Michaël Barreto. Mezu terrenu è appena capighjucadore d’Auxerre, t’hà un percorsu interessante cù più di centuvinticinque macci in prufessiunale. Furmatu à l’ESTAC induve hà fattu i so primi passi (campione di Lega dui in u 2015),, hè passatu per Orléans (sessanta sei macci, nove realisazione) è Auxerre durante i trè anni passati (cinquantunu macci, trè realisazione). U so percorsu l’annu scorsu (vinticinque macci, sette passe decisive) n’hà fattu un ghjucadore maiò di u gruppu. Ghjucadore di caratteru, divaria, di sicuru, purtà qualcosa in più à a so nuvella squadra. L’ACA cuntinueghja u so mercatu, in cerca d’attaccanti per custituissce u so gruppu nanzu à a ripresa.
