U ghjovanu attacante di l’ACA, chì hà festighjatu i so sedici anni dui mesi fà, saria nantu à a partenza di a so squadra furmatrice. Ghjucadore cumplettu, saria dighjà in cuntattu cù squadre di Lega una ma ghjè u PSG u più vicinu. Attaccante cumplettu, h
è à l’ACA dapoi dodeci anni è forse unu di i ghjucadori d’avvene di a squadra rossa è bianca i più impurtanti dapoi qualchì tempu…
U nome di Lisandru Tramoni saria oghje abbastanza cunnsciutu in u mondu di u ghjocu à ballò isulanu. È dapoi qualchì tempu ancu in altrò. Di fattu, u ghjovanu attaccante face a so strada dapoi dighjà un mumentu è ancu in a squadra di Francia induve ellu hà ghjucatu dodeci volte. Saria forse quì, ch’une poche di squadre di Lega Una si sarianu interessate; Si tratta dighjà di Bordeaux, Monacu, Lìò ma l’ACA saria in cuntattu avanzati cù u PSG. U ghjucadore, ellu, cuntinueghja à travaglià u ballò è dinò à a scola (hè in prima STG à a scola di l’ACA). Ùn si piglia micca troppu u capu dopu à tamantu successu. È aspetta, forse, una girata maiò di a so ghjovana carriera. S’ellu franca bè i dui anni chì venenu, puderà, forse, sperà ghjucà à un nivellu assai altu.
