Jung Woomin, respunsevule di a squadra di Francia hè ghjuntu in Aiacciu a dumenicata scorsa. Hà rispostu à l’invitazione di Nicolas Sanna, capimachja di u Mugnghwa Corsica è messu in piazza un staziu di dui ghjorni per i chjuchi è i maiò.
Ghjè una referenza mundiale di u taekwondo chì era in a Cità Imperiale a dumenicata scorsa. Rispundendu à l’invitazione di Nicolas Sanna, respunsevule di u Mugunghwa Taekwondo Corsica, Jung Woomin, addestratore di a squadra di Francia, hè ghjuntu à mette in piazza dui ghjorni di staziu. « Sò ghjuntu in Francia cinque anni fà, spiega u respunsevule, hè u Guvernu Cureanu, chì vole sviluppà a disciplina in Francia, chì m’hà incaricatu prima di a selezzione di i 17 anni durante trè anni, è dapoi u 2022, i più maiò. » U capimachja cureanu t’hà una missione assai impurtante: appruntà a squadra di Francia per i Ghjochi Olimplichi di Parrighji è perchè micca, racoglie qualchì medaglia. « Ci hè a pussibilità, aghjusta u tecnicu, masinmu cù e donne, Madga Wiet-Hénin è Althéa-Laurin… » Cuntattatu da Nicolas Sanna, Jung Woomin hà accettatu, a dumenicata scorsa di vene à mette in piazza dui ghjorni di staziu, u sabbatu i in lucali di u club, in centru cità è a dumenica à u CSJC. « U primu ghjornu dedicatu à u più ghjuvani, conta Nicolas Sanna, cù l’amparera di e base di a discipina. È a dumenica per i ghjovani è i maiò induve anu travagliatu a tecnica à i calci. U tuttu ind’un’ambianza abbastanza bè. » Surpresu da u nivellu di l’atleti aiaccini, u respunsevule di a squadra di Francia hà salutatu un travagliu di Nicolas Sanna. « Sò statu impressiunatu, anu travagliatu di manera seria. È pensu chè certi anu qualità è anu da pudè participà à cumpetizione naziunale. » In tuttu, 140 membri di u club, zitelli, adulescenti è maiò, anu participatu à issu staziu. Da a cinta bianca sin’à a turchina è sottu à a direzzione di i quadri di a squadra. L’addestratore di a squadra di Francia hè pertutu dumenica cù u sintimu d’un travagliu bè fattu. Vultatu in Parrighji, hà da, avà, appruntà i Ghjochi Olimpichi. L’atleti di u Mugunhwa taekwond, elli, anu da cuntinuà u so amparera.
