Scunfitta logica di l’ACA chè dui sbagli in primu tempu anu custatu monda. I « bianchi è rossi » anu tenutu u colpu in secondu tempu malgratu a sclusione di Maxime Chanot (duie cartuline gialle). Stanu à a settesima piazza di a classifica aspettendu l’ultima partita di u primu cicullu issu marti di fronte à Valenciennes.
Senza Marchetti è Campanini, feriti è Nouri Malatu, l’Aiaccini eranu privi di sette ghjucadori per andà à difende e so scianze in Auxerre, tercanu di a prima fasa di u campiunatu. L’omi di Pantaloni entrenu propiu bè in a so partita nanzu d’esse intrappulati dopu à u tiru direttu ghjucatu à a lestra induve anu mancatu di cuncentrazione. U centru di Sinayoko hè ripigliatu da Hein vicinu à u puntu di penalità (19a). Peccatu chè sin’à quì, l’Aiaccini ùn eranu mai stati in periculu. Ma s’anu da fà piglià una seconda volta dopu à u ballò di Sinayoko à Hein, nantu à u fiancu diritti. L’attacante d’Auxerre si ne và solu à batte à Sollacaro (29a). L’ACA hè di capu ind’a conca è l’affare anu da esse ancu più difficiule dopu à a sclusione di Maxime Chanot (duie cartuline gialle) chì tene a maglietta d’Owusu. À u mezu tempu, u macciu pare piegatu.
U secondu tempu gestitu da Auxerre
In secondu tempu, è à 10 contru à 11, l’Aiccini tenenu u colpu. Sollacaro sorte una bella cacciata davanti à Aye (50a). Ma a partita hè calata di dui toni à u nivellu di u ritimu. L’ACA averà u meritu d’ù lentà nulla. Da u so cantu, l’AJ Auxerre gestisce a so avanza aspettendu a fine senza esse minacciatu fora d’un centru di Touré per Soumano à qualchì seconda di a fine di a partita. L’ACA hà persu à Chanot, suspesu di fronte à Valenciennes, issu marti. Li toccerà quantuque à reagisce à l’occasione di l’ultima partita di a prima fasa induve anu da mancà ottu ghjucadori.
Stadiu di l’Abbé Deschamps
Auxerre- ACA 2-0 (2-0)
Arbitru : M. Rainville
Arbitri laterali : MM. Thenard è Jouannaud
Spettatori : 10000 à pocu pressu
Realisazione : Hein (19a è 29a)
Avertiti
ACA : Chanot (24a), Mangani (45+1)
Sclusione : Chanot (45+2)
Auxerre
Léon- Joly (Akpa 86a), Jubal, Pellenard (cap.), Mensah (Dagba 86a)- Owusu (El Hadji 77a), Raveloson- Perrin (Camara 86a), Hein, Sinayoko- Aye (Onaiwu 67a)- A : C. Pellissier
ACA
Sollacaro- Youssouf, Vidal, Chanot, Quemper- Mangani (cap.)- Bammou (Soumano 68a), Chegra, Jabol, Jacob (Everson 68a)- Touzghar (Touré 68a)- A : O. Pantaloni
