Dopu à un macciu ammaestratu quantunque abbastanza bè, l’Aiaccini anu mancatu di precisione per mette in periculu a squadra di Nancy eri sera in Timizolu. Monda sforzi li sò stati necessarii per pudè piglià un puntu-meritatu- à a fine di a partita (1-1) ch’anu co
rsu appressu à a marca tuttu u secondu tempu Un puntu chì ùn face micca troppu i so affari…
U dubbitu stà sempre u nemicu di u ghjucadore di ballò. L’ACA n’hà fattu a prova eri sera in Timizolu di fronte à Nancy. Un macciu à « sei punti » cumu si dice…Di fattu, si pò ricunnosce chè a squadra di Pantaloni hè ghjintruta abbastanza bè in a so partita. Ritimu, ghjocu lestru è lindu, hè mancatu pocu per l’apertura di a marca da Tramoni o Gimbert o ancu issu magnificu stucciu direttu di Cavalli (29a) cacciatu da u purtieru avversu. Ma, pudemu dinò cunsiderà chè i sforzi aiaccini anu mancatu di precisione. È s’avvicinava a fine di u primu tempu quand’un colpu (micca sicuru) di Cabit nantu à Coulibaly dava un ballò à Nancy. Un ballò ghjucatu subbitu subbitu da Abergel à Dembélé mentre chè l’Aiaccini aspettavanu. È l’attaccante avverse u messe in a cabbia (0-1).
Ci hè megliu per ghjunghje à a fine di u primu tempu. Chè dopu, ci hè vulsutu à corre appressu à u resultatu. Occasione, ci n’hè statu une poche ma, ancu s’è i ghjucadori anu fattu sforzi maiò sin’à a fine, a precisione in i vinti ultimi metri hè mancata. È ghjeramu più vicini da u 2-0 cù trè contri male ghjucati da i ghucadori di Nancy. In fine, guasgi à l’ultime seconde di a partita, una realisazione di Coutadeur permesse à l’ACA di piglià si un puntu. Un puntu chì ùn face micca tantu i so affari. Ma cù u scenariu ch’avemu vistu, ci vole forse à cuntentà ci.
