Malgratu una bella partita d’una manera generale, l’ACA chì hà tiratu trè volte nantu à u palu avversu, devenu cuntentà si di a parità. Peccatu per l’Aiaccini chì perdenu una piazza à a classifica
Sola squadra à ùn avè persu in casa soia sta stagione, l’ACA riceve à Amiens senza Youssouf, feritu. Pantaloni hà sceltu u listessi dispusitivu adupratu dapoi dui scontti in 4-4-2. In issu macciu chjosu, l’Aiaccini entrenu megliu. Doû à un’azzione di scola, Jacob stuccia à l’entrata di u spaziu di penalità d’Amiens ma u ballò pichja u palu manca di Gurtner (13a). L’avversariu lascia passà a timpesta è cummencia à sorte di manera più pulita senza avè, quantunque, occasione di marcà fora d’une centru di Lhane è un sgagiamentu d’Avinel davanti à a so cabba (21a). Ma l’ACA stà maestru
in u ghjocu è mantene a pressione cù parechje situazione periculose. Ind’un macciu induve Amiens cerca à risponde, l’ACA hà da tuccà u « legnu » una seconda volta. Mangani s’avanza à 25 metri, stuccia ma u ballò pichja nantu à a traversa di Gurtner, sempre battutu (29a). Peccatu per l’Aiaccini chì perdenu Jacob, feritu à a coscia qualchì minuta nanzu à u mezu tempu.
Un tezu tiru nantu à u palu!
L’ACA principia u secondu tempu cù assai ritimu. d’un bellu tiru direttu, Mangani inchieta a difesa (47a) avversa. Dopu à cinque minute interessante, l’ACA hà di più in difficultà. A squadra d’Amiens hè un pocu pericolsa. Leautey parte in contru è dà à Mafouta chì centra per Carroll chì casca à u mumentu di tirà (59a). L’avversarii prufittanu d’un tempu debule aiaccini per ritruvà appena di culori è piglià a suprana. Ci vole à dì chè l’ACA hà persu appana u so ghjocu. Pantaloni sente u periculu è fade entre Strata in mezu terrenu è Soumano davanti. Ghjustu nantu à u terrenu, quelli ftancà dui ghjucadori è stuccia à vinticinque metri. U ballò tocca torna u palu avversu (74a). In fine di macciu, l’ACA mette a pressione davanti à a cabbia d’Amiens ma senza riesciuta. Peccatu.
Stadiu François Coty
ACA-Amiens 0-0
Tempu frescu è piuviscosu
Spettatori: 2500 à pocu pressu
Arbitru: M. Ranville
Arbitri laterali: MM. Korbas è Goncalvès
Realisazione
ACA
Amiens
Avertiti
ACA: Jabol (25a), Ibayi (88a)
Amiens: Boya (11a), Carroll (39a), Uroghide (88a)
ACA
Michel- Campanini (Vidal 78a), Chanot, Avinel, Quemper- Sakhi, Mangani (cap.), Jabol (Strata 73a) , Jacob (B. Touré 45aà- Touzghar (Soumano 73a) , Ibayi-Add: O.Pantaloni
Amiens
Gurtner (cap.)- Corchia, Urohgide, M Fofana, Amaraoui- Leautey (Chouiar 82a), Boya (Gene 46a), Gélin (Ouhatti 82a), Lahne (Do couto 59a)-Mafouta, Carrol
