L’atleta marsegliese anziana membre di u « Pôle Eespoir » di Corsica, hà vintu a ghjustra di Tbilissi (Geurgia), a dumenica sc
orsa. Una medaglia d’oru chì li permette di marcà puntu è sopratuttu di piazzà si in tantu chè capifila di a so categuria. Una bona in u quadru di e qualificazione per i ghjochi olimpichi di Tocchiò…
U prezzu maiò di Tbilissì era monda aspettatu issa dumenicata. Cumpetizione assai impurtante, permettia à l’atleti prisenti, di pudè marcà punti per i campiunati di u mondu è sopratuttu i Ghjochi Olimpichi in Tocchiò da quì à un annu è mezu.Cusì, ci era una vintena di cumpetitori francesi cù, frà elli, Julia Tolofua. In a so categuria, l’anziana membre di u « Pôle Espoir » di Corsica, addestrata, à l’epica, da Jean-Yves Andarelli, hà messu tuttu u mondu d’accordu. Una bella medaglia d’oru dopu avè battutu à a Bresiliana Betriz Souza, vice campione di u monde è numaru nove mundiale, in finale. Di colpu, Julia, chì vince per a prima volta una ghjustra internaziunale, piglia u capu di a so categuria à si piazza à a vinticinquesima piazza à a « Ranking List » (lista internaziunale). Ciò chì li permette di marcà punti per i prussimi campiunati di u mondu è sopratuttu i Ghjochi Olimpinchi di Tocchiò chì s’avvicinanu…
