À trentasetti anni, u famosu libaru di u GFC
A hà annunciatu ch’ellu pigliava a so retirata, issu ghjovi à l’occasione d’una cunferenza di stampa data in i scagni di u club in Aiacciu. À traversu u so percorsu, sfugliemu pagine di a storia di a squadra rossa è turchina.
Cù un’emuzione ch’era difficiule à piattà, Jeff Exiga hà annunciatu à l’occasione d’una cunferenza di stampa, eri, in i scagni di u GFCA, c’ell ùn purtaria più a maglietta di u Gaz. Nè un’altra, d’altronde. Dopu à diciassetti anni d’una carriera tamanta, u famosu libaru annuncia, di fattu, l’arrestu di a so carriera. Una decisione mutivata da un prughjettu spurtivu c’ùn li currispundia più troppu. « Di fattu, vuliu piantà à a fine di u 2020 à à l’età di trentottu anni . Cù a stagione ch’aviamu fattu, vuliu un’altra sfida per compie cù una finale di u campiunatu di Francia ch’è no eramu passati vicinu di maghju. Ma a calata di u budgettu di u Gaz è a partanza di guasgi tutti i ghjucadori m’anu custrettu à piantà avà. »
Dopu à diciasetti anni principiati è compii in Aiacciu passendu par Cannes, Tours, è l’Italia (Monza è sopratuttu Macerata), 130 selezzione i a squadra di Francia, trè tituli di campione di Francia, sei cuppe di Francia, un titulu di campione d’Italia è parechje participazione cù a squadra di Francia (campiunatu d’Auropa, di u mondu, Lega mundiale), hà scrittu l’ultma pagina di a so carriera di maghju di fronte à Chaumont. Ne apre un’altra da quì à pocu in tantu chè cunsiglieru di u club nanzu di mette a so sperienza à u nivellu di i più chjuchi. Un ringraziu maiò per tuttu o Jeff!
