Di settembre è ottobre prussimu, Joseph Baghioni participerà à l’Ironman di Nizza è Awai, una cumpetizione internaziunale di triathlon chì leia nutera (4 chilometri), bissicletta (180) è corsa à pedi (marathon). L’Aiaccinu s
perà di cullà nantu à u tettu di u mondu…
Spinghjificu di trenta anni, Joseph Baghioni hè un atletu famosu. Hà fattu, questu annu, a scumessa di participà à l’Ironman 2019, una cumpetizione mundiale chì s’hà da passà di settembre in Nizza è d’ottobre in Awai. Una disciplina abbastanza difficiule cù prove di nutera (4 chilometri), bissicletta (180 chilometri) è un marathon per compie (42 chilometri). Dapoi mesi sani, l’Aiaccinu s’appronta travagliendu guasgi trentacinque ore à settimana! Per indettu, s’hè fattu Aiacciu-Bunifaziu andà è vultà in a ghjurnata. In Nizza, di settembre, l’atleti t’averà e capacità di fà qualcosa. Ma ellu cerca piuttostu Awai, un mese dopu induve dui mila è ottu centu participanti seranu aspettati in ciò chì s’assumiglia à un campiunatu di u mondu di a disciplina. Ellu chì l’hà principiatu solu dui anni fà in Nizza (è l’avia compiu), sperà andà u più luntanu pussibile. È perchè micca nantu à u tettu di u mondu