Figura di l’arti marziali isulani, u « Bastiacciu » Hidetoshi Nakahashi s’hè spentu issu ghjovi à l’età di settanta quindeci anni. Insegnava u karaté in Bastia dapoi u 1977. U Giappone è a Corsica pienghjenu, oghje, un omu chì hà cunsacratu a so vita à tra
mandà a sta disciplina.
A storia chì leia « Hidé » Nakahashi, ùn data micca d’eri. Una storia principiatu quaranta quattru anni fà, in Bastia, à l’Accademia di l’Arti Marziali di Bastia. Ghjunti da Kobé, cità di u Giappone induve ellu era natu in u 1944, u furmatore ferà a so strada, sulchendu daretu à elli, valori di a disciplina, insignendu à generazione sane u so sapè fà, a so manera di travaglià, fenduli ottene resultati. Hè cusì chè « Hidé » hè diventatu, subbitu, una referenza maiò, à u nivellu naziunale è internaziunale. A squadra di l’AMI hè diventata, ella dinò, una struttura impurtante. u « Bastiacciu » di core, ellu, avia fattu a scelta di marità si è di campà quì. Hà da mancà à tutti, famiglia, amichi, cumpagni spurtivi è lascerà, di sicuru, un viotu maiò in a disciplina. U spurtivu è l’omu.
