L’Aiaccine anu fattu un maccione stu dopu meziornu di fronte à Beauvallon, terzu di a classifica. Una vittoria chì permette à e « bianche è nere » d’avvicinà si di e prime piazza di a classifica.
Ritimu assai lestru, talente, azzione bè custruite, parate di e duie purtiere, nulla n’hè mancatu issu dopu meziornu à u Rossini induve e femine di u HAC Ricivianu à Beauvallon, terzu di a classifica. Di fattu, e « bianche è nere » anu messu qualchì mumentu per entre in u so macciu. U tempu, per Beauvallon di piglià a suprana (1-4, 5a). Ma issa squadra aiaccina ùn hè a prima, masimu questu annu in u so « chjosu » di u Rossini. Pianamente è bè, e femine voltanu à u pannellu di marca. Nanzu di retablisce a parità una prima volta à u quartu d’ora di ghjocu (8-8, 16a). Ma l’avversarie ripiglianu a suprana ind’un macciu chì parte in tutti i sensi (8-10, 9-11). In fine, è à qualchì siconda da a fine di u primu tempu, Emma Clément marca (12-12). U HAC si n’hè surtitu bè ma a femine anu mustratu ch’ell’ùn capieranu nulla. Per prova i dui penalty cacciati da Julie Guillemotonia.
Dopu à dece minute di pausa, si ripiglia nantu à u listessu ritimu di scemu. U ballò parte d’un campu à l’altru. S’è l’Aiaccine passanu davanti subbitu (14-12, 33a), cunnoscenu un « viotu » chì permette à Beauvallon di marcà sei volte di fila (18-14). Torna una volta, e femine d’Anne Maistre cercanu à sviluppà u so ghjocu, ghjuchendu piuttostu bè in difesa è ci n’hè bisognu di fronte à Charpenet, veru fulettu chì face male cù e so attacche piazzate. Melody Tabere retablisce una pri
ma volta, a parità (19-19, 42a). A seguita ghjè un veru chjama è rispondi trà e duie squadre, masimu e purtiere c
hì caccianu tuttu. Ma a precisione è u realisimu sò in u campu aiaccinu (24-21, 48a). Sta volta, sò l’attaccante di Beauvallon chì si mettenu in vale. Mentre chè l’Aiaccine anu un ballò di +4 mancatu, l’avversarie si ripiglianu (27-25, 27-26, 58a). Ferma menu di duie minute quandu Julie Guillemotonia caccia un tiru di quelli. Subbitu dopu, Melody Tabere marca (28-26) è dà a vittoria à u HAC. Brave!
Ginnasiu spurtivu Pasquale Rossini
HAC-Beauvallon 28-26 (12-12)
Arbitri : MM Crépin è Milleret
Spettatori : 200 à pocu pressu
Evoluzione di a marca
1-4 (5a), 5-6 (10a), 7-8 (15a), 9-9 (20a), 10-11 (25a), 12-12 (30a), 14-16, (35a), 17-19 (40a), 20-21 (45a), 25-23 (50a), 27-25 (55a), 28-26 (60a)
HAC
Purtiera : Guillemotonia (15 tiri parati, dui pénalty)
Realisazione: Dos Santos (3), M. Rutili (3), Clément (6), Renucci (4),
Tabere (4), Bonin (1), Ouaret (7)-int : A. Maistre
Beauvallon
Purtiera: Chanal (12 tiri parati, un pénalty)
Realisazione : Sahnoun (6), Charpenet (8), Cleyssac (5), Reboul (3),
Durand (3), De Gea (1)-int : A. Dragic
