A vinti treisima edizione di i ghjochi di l’isule principia stu ghjovi in Bastia. Quattru ghjorni di cumpetizione, quattordeci discipline per nove centu atleti di quattordeci è quindeci anni. Si principia à u Cosec di l’Arinella cù u handba
ll…
Privista nantu à l’Isula d’Elbe, l’edizion 2019 di i ghjochi di l’Isule hè stata, finalmente, data à a Corsica per via di mancanze à u nivellu amministrativu o un quadernu di e cariche ch’ùn pudia esse rispettatu. Tandu, a squadra di PetruSantoni hà travagliatu monda per mettela in piazza. Attachemu stu ghjovi nantu à u situ di l’Arinella cù u handball. nove centu zitelli sò aspettati in quattordeci discipline è à poci pressu listessu numaru d’Isule ingaghjate. U volley in Biguglia è u ballò in u Borgu anu da seguità nanzu à a vela è u tennis per compie una prima ghjurnata abbastanza carca. A ceremonia d’apertura hè privista nantu à a piazza San Niculau. Sin’à vennari, l’arti marziali, u basket, u rugby è u ping pong anu da cuntinuà a cumpetizione. Vennari, e fase finale, compieranu issa ghjustra internaziunale. Sperendu assai medaglie per i Corsi…
