Seconda tapa di u derby 2018-2019, u macciu GFCA-ACA d’issu vennari è à ottu partite di a fine di u campiunatu, ùn serà forse micca unu di i più passiunanti d’issu ultimi anni. In causa, u percorsu di e duie squadra à mezu a classifica…
Derby, dapoi u 2014, n’avemu avutu sett
e trà u Gazelec è l’ACA in Lega dui postu ch’ùn si contanu, nè e participazione in cuppa di Francia, nè in campiunatu naziunale. U bilanciu hè abbastanza strettu per avà : Trè vittorie per u GFCA : una sola in Mezavia in u 2016 (4-1) è duie in Timizolu (3-0 di ghjennaghju u 2015, cinque mesi nanzu à l’accessione storica in Lega una è di nuvembre scorsu 2-1, masimu dopu à un percorsu abbastanza debule). Da u so cantu, l’ACA n’hà vintu quattru più o menu impurtanti. Dui in Mezavia (2-0 d’aostu u 2014 u primu d’altronde è l’annu scorsu sottu à l’acqua 1-0, quandu i bianchi è rossi pudianu sperà, dopu à una stagione tremende, cullà in Lega una), è dui in casa soia senza imbusca maiò (1-0 in fine di campiunatu 2017 è 2-0 à u principu di a famosa stagione 2017-2018). Sette partite è mancu una parità. Segnu chì e duie squadre cercanu, ogni volta à vince. Fora di e tribune, ch’è no speremu abbastanza carche, issu macciu ùn hà, à dilla franca, un’imbusca maiò. Ne semu à ottu macci di a fine di u campiunatu. L’ACA hè tredecesimu di a classifica (35 punti) è t’hà sei punti d’avanza nantu à Nancy (18u, 29 punti). D’ u so cantu, u GFCA hè da sottu d’un puntu (34) è n’hà cinque d’avanza nantu à a squadra listessa squadra. Sapendu, d’altronde, chè u mantenimentu pudaria esse ottenutu ingiru à 39 punti, si pò dì benchè u ghjocu à ballò ùn sia una scenza ghjusta, chè e duie squadre (l’ACA riceverà quattru volte è u GFCA trè volte) anu guasgi u so bigliettu per l’annu chì vene. Chì ferma tandu ? U piacè, masimu cù parechji ghjucadori corsi in e duie squadre, di piglià a suprana nantu à l’altra è dinò a vulintà di rigalà una vittoria à i so sustenitori. Senza imbusca maiò, u ghjocu vicerà forse…
