Fred Ferrandez: « Vulemu cuntinuà à sunnià »

0

U GFCA riceve à Sète nanzu ultimu di a classifica, issu ghjovi  à u Palatinu. L’occasione per i « rossi è turchini » di cuntinuà a seria. Elli ch’anu vintu sei macci di fila. À menu d’un mese di a fasa finale di u campiunatu di Francia, a squadra aiaccina cresce u so nivellu. L’occasione,  per l’addestradore Fed Ferrandez, à cinque macci di a fine di a prima fasa, di fà u puntu…28247211-27983049

Sei vittorie di fila per u Gazelec. Sete surpresu d’issa seria?

Un pocu quantunque ch’è noi surtiamu d’una perioda difficiule induve mancavamu di resultati masimu in casa nostra. Ùn ci era sicurezza è ùn pudiamu micca esse regulari. Hè vera chè issa seria quì ghunghje à un mumentu ch’ùn aspettavamu micca.

Chì pensate d’issu gruppu quì?

Hè un gruppu ambiziosu chì cuntinueghja à cresce. Ma ci vole à fà casu è l’avemu vistu in Cannes induve avemu suffertu. U macciu di fronte à Sète, issu ghjovi ci pò permette din francà un’altru passu. L’impurtante, aldilà di cuntinuà o micca a seria, hè di pudè compie a prima fasa u più altu pussibile.

Avete persu quattru volte à un macciu di a finale. U GFCA saria capace, sta volta, di francà issu passu quì?

Ci vole, prima, à finisce issa prima fasa. Si dipende di a nostra piazza à a fine di a fasa regulare. È dopu, ùn ci vole micca piglià Tours chì per mè hè da sopra à tuttu u mondu. Ma per avà, avemu fattu, sin’à d’avà, una bella stagione, avemu prupostu un bellu ghjocu. Feremu i conti à a fine. Aspettendu, ci vole à vince di fronte à Sète, chè noi vulemu cuntinuà à sunnià.

Partager.

Réagir en direct