A Federazione Francese hà publicatu in fine di settimana scorsa a selezzione naziunale per i campiunati di i mondu chì s’anu da ghjucà in Tocchiò u vinticinque d’aostu. Gattiva nutizia: e duie surelle purtivechjacce ùn ci sò micca. Un co
lpu maiò à un annu da i ghjochi ulimpichi…
A nutizia hè stata, à dilla franca, cum’è una piulata. Vennari u vintottu di lugliu scorsu, a Federazione Francese hà publicatu nantu à u so contu twitter, a selezzione per i campiunati di u mondu, un vinticinque d’aostu in Tocchiò. Senza nè Priscilla (menu di cinquantasettte chilò), nè Astride Gneto (menu di cinquantadui chilò), e duie surelle di Purtivechju pacanu forse quì a so eliminazione à u secondu giru di l’ultimi campiunati d’Auropa. À un annu di i ghjochi ulimpichi, chì si ghjucheranu dinì in a capitale giappunese, i campiunati di u mondu sò, à dilla franca, una di e cumpetizione maiò per l’atleti chì ne volenu participà. Un colpu maiò masimu per Priscilla, chì hà participatu dighjà à dui ghjochi ulimpichi in Londres (avia ottenutu a medaglia di bronzu) è Riò (eliminazione à u primu giru). E duie surelle anu qualchì mese, avà, per ritruvà una piazza in a selezzione francese.
