U ginnasu Pasquale Rossini s’appronta, torna una volta, à tremà cù una ghjustra di pugilatu chì hà da addunisce, stu sabbatu vintiquattru atleti.
U publicu aiaiccinu serà, di sicuru, numarosu, stu sabbatu à u Rossini per una ghjustra di pugilatu chì addunisce vintiquattru atleti. Cusì, ci seranu deci cumbatti amatori è dui prufessiunali. Aspettendu a meza finale di a ghjustra di Francia, Dimitri Gourier è Rachid Azhour, i dui capifili di u BCA hà da fà valè u so nivellu attuale. U primu averà, di fronte à ellu, à Baptiste Castegnaro (28 anni, 23 cumbatti, 8 vittorie). È u secondu di fronte à Amadou N’Diaye. Prima, a serata principierà cù deci cumbatti amatori ch’anu da mette in vale u travagliu di tutte e squadre di Corsica : Ring Aiaccinu, BCA è Ring Bastiacciu. U Ring di Carghjese di l’amicu Filippu Carlini ùn ci puderà micca esse sta volta quì. Ma una ghjustra monda aspettata è l’occasione, forse, d’addunisce tutta a famiglia di u pugilatu corsu…
