L’atletu di Santa Maria Poghju, hè vultatu pocu tempu fà, da l’Antartica induve ellu avia fattu una corsa maiò. Duicentu è cinquanta chilometri in quattru ghjorni cù temperature trà menu vinticinque è menu trenta. Una sfida maiò è un percorsu strasordinariu dapoi u mese di settembre. Franchendu dunque trè Cuntinenti, hà compiu, nanzu d’andà in Nova Zelanda è in Namibia, à a a terza piazza in u Disertu di Gubia à u Cili (Atacama) 
è l’Antartica…
Ùn si contanu più e sfide maiò di Cristofanu Santini. À quarantottu anni, l’atletu isulanu, di Santa Maria Poghju, face a so Strada in u mondu di e corse streme. Sò, di fattu, « Marathon » di duicentu chilometri in parechji lochi di u mondu. Un percorsu principiatu di settembre scorsu dopu avè francatu i Stati Uniti à bissicletta di maghju scorsu. Ma sta volta, hà sceltu a corsa à pedi è cinque « Ultra Marathon » cum’è sfide. A prima in u Disertu di Gubia (Africa), a seconda à l’Atacama (Cili) eppo a terza à u « last Desert » in Antartica. In tuttu, guasgi settecentu chilimoetri à mezu cundizione fisiche è mentale abbastanza difficiule. Tandu, dopu è trè prime tape d’issa cumpetizione, ghjè à a terza piazza di a classifica. Hà da pudè rinfiatà appena è passà e feste à u caldu nanzu di ripiglià l’intranamentu è d’appruntà e duie prussime sfide in Nova Zelanda di marzu è in Namibia d’aprile…
