U pilotu aiaccinu hà vintu, di manera logica, a prima edizione di u « Corsica Enduro » a dumenicata scorsa. Una corsa chì s’hè passata in giru à Auddè.
Incù l’umilità ch’è noi li cunniscimu, Cristofanu Charlier, ch’ap
pruntava a so ultima corsa internaziunale issu mercuri in Germania, hà vulsutu participà, dumenica scorsa in Aullè, à a prima edizione di u « Corsica Enduro ». Una manera, per l’ Aiaccinu, d’addestrà si nanzu à cumpetizione assai impurtante. L’ultima corsa di a stagione in Germania eppo i campiunati di u mondu in u Cili, di nuvembre.
In Auddè, trè percorsi di trenta chilometri aspettavanu tutti l’atleti, isulani o ghjunti d’altrò. Cù, à mezu à assai amatori, u campione aiaccinu. Senza mai dubbità, Cristofanu Charlier s’impone, vincendu e sei prove speciale priviste à u prugrama. Una vittoria logica, davanti à Memmi è Recco. Una bella publicità per l’urganizatori, chì cuntavanu, per issa prima edizione, nantu à settanta piloti. Prussima sfida, in Corsica, una partita di u campiunatu di u mondu, di ghjugnu, in Aiacciu. Ci serà, di sicuru, Cristofanu Charlier…
