Ind’un’intervista publicata dui ghjorni fà nantu à u situ di u club, u presidente di u Sporting hà fattu u bilanciu di a prima parte di staghjone, mintuendu quantunque critiche nantu à u ricrutamente l’estate scorsu…
Bilanciu à a fine di a prima fasa
Pudemu esse dillusi di u nostru percorsu, masimu di i dui ulitmi macci. Contru à QRM, candidatu, cum’è noi, à u mantenimentu, ci vulia à piglià i trè punti per alluntanà ci da a fine di a classifica. Què, ùn semu micca stati capacoi di fà la. In Saint-Etienne, avemu aspettatu di perde 3 à 0 per reagisce. D’una manera generale, u bilanciu di a prima fasa, ùn curresponde micca à ciò ch’aspettavamu. Issi resultati quì sò liati à un ricrutamentu fiascatu d’estate.
Un ricrutementu rimessu in causa
Avemu fiascatu u nostru ricrutamentu. I ghjucadori novi, ùn anu micca rimpiazzatu quadri cum’è Magri o Van Den Kherkhof, eppo ci hè statu daretu à què, u fiascu di Liénard. Ci sò stati sbagli è vulemu sguassà tutti què. Per quessu, ci hè una nova manera di travaglià trà a squadra tecnica è a direzzione, ci sò reunione inseme à spessu, scambii per ùn sbaglià ci di manera à truvà i ghjucadori chì ci mancanu.
U Sporting incausatu di razzisimu
I sustenitori di u Sporting ùn micca razzisti. Hè què ch’avemu da difende u 17 di ghjennaghju davanti à a cummissione di disciplina di a LFP chì hà da trattà di i macci contru à u Paris FC è Quevilly. Attenti! Ùn dicu micca ch’è noi simu i più bravi di u campiunatu ma vulemu esse trattati cum’è l’altri sustenitori è l’altri clubs.
A ripresa di u campiunatu issu sabbatu
Avemu da riceve à duie squadre maiò di u campiunatu. Angers u tredeci è Caen u vintitrè. Ci tocca à stà cuncentrati nantu à i nostri scopi è nostru ghjocu senza tene contu di u valore di l’altri. Avemu da cercà à piglià quattru punti nantu à sei ma simu cumpetitori è s’è no pudemu vince i dui macci, l’avemu da fà. Quelli ch’ùn si cunsidereghjanu micca cum’è cumpetitori seranu « ringraziati »…U nostru scopu hè di ghjunghje u più prestu pussibile à u mantenimentu
