Malgratu un publicu chì hà ghjucatu u so rolu sin’à a fine, u GFCA, troppu debule in tutti i duminii, hà fiascatu u so appuntamentu di fronte à Cannes à u Palatinu (0-3).
Ind’un’ambianza di Lega A cù u perfumu di a più bella perioda di u Gazelec è una sala di u Palatinu carca, carca, l’omi di Fred Ferrandez pudianu sperà di batte à Cannes è stallà si à u capu di a classifica. Ma, à dilla franca, ùn sò micca stati prisenti à l’appuntamentu fora di a terza parte più stretta. Purtati da u so publicu, l’Aiaccini entrenu propiu bè in u so macciu. Ritimu, difesa assicurata, attacca in piazza, piglianu subbitu e cumande di partita (5-4, 6-5, 7-6…). L’avversariu lascia passà issa piccula timpesta cù una resistanza di qualità. Retablisce à parità (9-9) è mette u so mutore in marchja. resultati, attache cuncepite bè, serviziu putente, contru efficace, u GFCA ùn tene micca a distanza è si vede subbitu, à u pannellu di marca. à spessu, l’Aiaccini sò trapassati in core di ghjocu. Cannes piglia a suprana è cunchjude a prima parte in 25 minute (19-25). I Cannesi principianu a seconda parte cum’elli anu compiu a prima (0-4, 1-5). U GFCA fighjola torna una volta, u so avversariu piglià e cumande senza esse capace, fora di qualchì azzione di tantu in tantu, di reagisce. A squadra di Cannes, purtata da Jacobsen , compie a seconda parte in menu d’una meza o (18-25).
Una reazzione ma troppu tardi
Dopu à a ripresa, u Gazelec ritrova u so ghjocu masimu à u contru o in attacca chè u serviziu hè sempre debule per cuntrarià u capimachja di a classifica. L’omi di Ferrandez riescenu ancu à cuntà sei punti d’avanza (14-8). Tandu, u publicu cummencia à crede à un ritornu è l’Aiaccini dinò. Ma in faccia, u mutore « biancu » cuntinueghja à girà. Biglino è Noleto (24 punti à elli dui) marcanu è u serviziu di i Cannesi mette u GFCA in difficultà. I « rossi è turchini » anu u curagiu di resiste sempre è a fine di terza parte hè assai disputata (21-21, 22-22)…À 23-24, Conre caccia una balla di macciu ma subbitu dopu, Rodrigues Noleto dà a vittoria à i so culori. Peccatu.
Sala di u Palatinu: Cannes-GFCA 3-0. Evuluzione di a marca: 19-25 (26′), 18-25 (27′), 23-25 (29′).
Arbitri: MM Falischia – Kherkhove
Spettatori: 1902
GFCA: 6 contri, 38 attache vitto
riose, 27 sbagli diretti (9 à u serviziu).
Squadra di principiu: Gill (2), Socié (7), Roatta (10), Bala (11), Mabiala (2), Conre (4). Eppo Lacassie (5), Weidner (3). Libaru: Carreno-add: F.Ferrandez
Cannes: 2 servizi diretti, 10 contri, 36 attache vittoriose, 18 sbagli diretti (10 à u serviziu).
Squadra di principiu: Jacobsen (4), Weir (8), Noleto (14), Biglino (10), Cardona (9), Cohen (3)-Libaru: Mouiel-add: R. Serniotti
