Ottu prove speciale da Capu di Fenu sin’à Peri passendu per Sarrula, Valle di Mezana è Cuttuli eranu priviste à l’occasione di u rallì di u paese Aiaccinu 2024. À u volante d’una R5, Battistu Ceccaldi (pilotu Skoda), vince a prima corsa di a so carriera è di l’annata.
Monda rinumatu, u rallì di u paese aiaccinu, edizione 2024 era aspettatu issa dumenicata in u circondu di a Cità Impériale. Una quarantena di participanti eranu privisti per un percorsu d’ottu prove specialeà a partenza di Capu di Fenu è compiu, dopu à tape in Sarrula, Valle di Mezana è Cutuli, in i Peri. Bè piazzatu benchè daretu à Petru Paulu Baltolu, Battistu Ceccaldi, à u volante d’una R5, hà prufitatu d’un fiascu di u so avversariu guasgi à a fine di a corsa per piglià e cummande di u rallì di quindeci seconde. U tuttu nanzu à l’ultima prova speciale. Più regulare, u ghjovanu pilotu riesce à vince, à vintiquattru anni, a prima corsa di a so carriera. Piglia a seguita di Paulu Antone Santoni, vittoriosu l’annu scorsu. Anghjulu Gamabarelli (Citroën C3) è Jean-Luc Mezzacqui (Skoda Fabia) cumplettanu u podiu.
