Auteur/autrice : Philippe Peraut

Dopu à quattru mesi d’arrestu, i ghjucadori di u Sporting anu ripigliatu u caminu di l’Igesa, eri, à l’occasione di a ripresa. Un gruppu guasgi compiu per a staghjone chì vene. Eranu vintunu cù, frà elli, i nuvelli, à participà à a prima seanza d’addestramentu… I ghjucadori di u Sporting aduniti tutti inseme, facia un pezzu ch’ùn s’era micca vistu. Di fattu, è dapoi  a vittoria di fronte à Belfort u 22 di ferraghju, a prima piazza di a classifica è un’altra u sette di marzu in Drancy, i Bastiacci eranu in vacanze chè s’ellu ci hè statu un imbrogliu…

L’anzianu aghjuntu dedicatu à a preparazione fisica di u GFCA hà zifratu a settimana scorsa à…u PSG induve serà incaricatu di a sezzione feminile sottu à u respunsabilità di Olivier Echouafni. Una bella prumuzione per un omu di valore è di cumpetenze. In Mezavia, nimu s’hè scurdatu di Sébastien Lopez-Guia, chì fù incaricatu di a preparazione fisica di i prufessiunali à l’épica d’oru di u club (2014-2015 è 2015-2016). Avia purtatu a so petra, cù u prufessiunalisimu è e cumpetenze ch’è noi li cunniscimu, à l’accessione di u Gazelec in Lega una. Passatu per Monaco, l’OM o i Suizzi di…

U gruppu aiaccinu hà ripigliatu, mercuri scorsu, u caminu di Timizolu à l’occasione d’una ripresa particulare postu ch’ella accade trè mesi dopu à l’arrestu di e cumpetizione u 15 di marzu. Una ripresa chì s’hè fatta ingiru à e regule sanitarie.  Trè mesi è mezu dopu à l’arrestu di e cumpetizione, un tempu abbastanza longu per un ghjucadore di ballò, l’Aceisti anu ripigliani u caminu di l’addestramentu stu mercuri matina. Eranu vintidui trà l’anziani, quelli di a staghjone scorsa (Kalulu, Leroy, Pellegrini, Coutadeur, El Idrissy, Laci, Matteu è Lisandru Tramoni, Sollacaro, Diallo, Youssouf, Avinel, Huard, Corinus), i nuvelli (Barreto, N’Dyaye)…

Ind’una cunferenza di stampa data eri in Mezavia, Christophe Ettori, respunsevule di u GFCA hà prisentatu l’assi maiò à cortu andà, di a squadra rossa è turchina. S’hè trattatu, cusì di u prughjettu spurtivu cù a nova squadra tecnica cumposta da David Ducourtioux, addestradore generale è Jérôme Lemoigne, aghjuntu incaricatu di u ricrutamentu… Ghjè una partanza nova ch’ellu principia u GFCA, cascatu in N2 di marzu scorsu dopu à l’affare di u Covid è l’arrestu di e cumpetizione. Passatu in dodeci mesi da a Lega Dui à à u CFA, u Gazelec vole riparte à zeru in tutti i duminii.…

Dopu à a partanza u quattru di ghjugnu scorsu, di Michèle Melgrani, presidente di a Lega Corse, ghjè Alain Mercuri, sin’à d’avà raghjuneru, chì ripiglia a seguita… Cù dui milla atleti spertuti in nove strutture, a nutera averà, in Corsica, da chì fà. U travagliu ùn manca. Per gestisce a disciplina à u nivellu di l’isula, Alain Mercuri, anzianu raghjuneru, hè statu elettu à u capu di a Lega Corsa, dopu à a partanza di Michèle Melgrani, à u principiu di ghjugnu. Un’elezzione à l’unanimità chì dà di più credibilità à u so novu presidente. Anzianu respunsevule di e « Naïades d’Aiacciu »…

Mentre chì u a squadra bastiaccia cuntinueghja à custruiscesi à pocu à pocu per ghjucà in naziunale d’aostu, l’addestradore turchinu face u puntu nantu à a situazione spurtiva è aldilà… À chì ne semu di u mercatu? Avemu dighjà pigliatu à Dumè Guidi (GFCA) è Benjamin Santelli (Chambly). Aspettemu, avà, unu u dui « colpi » interessanti per arricchisce u gruppu. U scopu ùn hè d’avè ghjucadori per avè ghjucadori. Per avà, sò cuntentu di l’effettivu ch’eu t’aghju. Ci sò i dui ghjucadori ch’eu vuliu, hè una bona. Si pò dì guasgi, chè u mercatu hè compiu. Chè ambizione per u Sporting…

U cunfinamentu hà fattu male à a squadra aiaccina chì era, u sedeci di marzu scorsu, à u capu di a classifica. Ancu s’è, per via d’un aspettu suldarinu, ùn si trattava micca di cullà questu annu in seconda divisione, ghjè l’inseme di a struttura chì paca monda. Ma cunniscimu a vulintà è u stintu di a squadra dirigente per ripiglià si lestru… In u so pianu à più o menu longu andà, quand’ellu ripiglia in manu, e chjave di u GFCA, François-Xavier Ripoll presidente di a sezzione handball,  si mette  cum’è scopu, cù d’altri dirigenti, a seconda divisione da…

U mezu terrenu di l’AJ Auxerre, chì era in fine di cuntrattu cù a so squadra, hà zifratu, dumenica scorsa à l’ACA. Hè u secondu ghjucadore à ghjunghje in Aiacciu dopu à Allassane N’Diaye (Clermont). L’ACA hè avà in cerca d’attaccanti è d’altri ghjucadori. U gruppu saria guasgi cumplettu à a ripresa u 24 di ghjugnu. L’ACA face, pian’ pianu u so mercatu. S’è tutti l’impresti sò pertuti, un primu ghjucadore avia zifratu u cinque di ghjugnu: Alassane N’Diaye, mezu terrenu di Clermont. Dapoi dumenica, u gruppu biancu è rossu s’hè arricchitu d’un altru ghjucadore. Michaël Barreto. Mezu terrenu è…

Dopu à una stagione in Chambly (Lega 2) è un percorsu marcatu da una ferita maiò, l’anzianu attaccante di u Sporting volta ind’è ellu. Hè u secondu ghjucadore bastiacci cù u difensore di u GFCA, Dumè Guidi… Si sà chè dapoi parechji anni, u Sporting vole dà una culurazione nustrale à u so gruppu. Cullata in Naziunale questu anni, cuntinueghja à fà a so strada, sempre intornu à a so pulitica. Cusì, è dopu à un bellu percorsu in Lega 2 cù u GFCA, Dumè Guidi, hè vultatu in casa soia, à u Sporting indve avia fattu a so furmazione.…

U ghjovanu atletu isulanu, chì hà fattu e so prove incù u triathlon, hà decisu di fà d’aostu, u « Mare à mare », un trail chì franca a Corsica da levante à punente. Novanta chilometri cù cinque mille metri di dislivellu. Una sfida maiò per Baptiste chì vole, à tempu, batte a prova suprana di tredeci ore è cinquanta minute… Ci sò sfide chì contanu ind’una vita. Quella chì hà da pruvà à riesce Baptiste Saez l’ottu d’aostu prussimu ne face parte. È micca una sfida minore. Francà solu, a Corsica da levante à punente, (Ghisunaccia à Purtichju) un percorsu chjamatu…