Auteur/autrice : Philippe Peraut

L’atletu purtivechjacciu hà battutu a prova suprana di Francia di l’ora sabbatu scorsu in Lucciana. Cù un percorsu di vinti chilometri è sette centu è settandui metri, batte l’anziana prova di Bertrand Itsweire… Morhad Amdouni hè entrutu in a storia di l’atletisimu corsu è francese sabbatu scorsu in Lucciana. Attaccà si à a prova suprana di l’ora, masimu ch’ella tenia dapoi trenta ann, ci vulia fà la. Battela, era un’altru affare. L’atletu purtivechjacciu hà pigliatu u so curaggiu in manu per batte à Bertrand Itsweire, ch’avia fattu vinti chilometri è sei centu è un metri, in u 1990. Morhad n’hà fattu…

À l’occasione di a sesta ghjurnata di Naziunale, i Bastiacci, capiclassifica, si spiazzanu sta sera  in Villefranche. Torna un macciu impurtant fora di casa… In Naziunale è per tene a strada, l’impurtante hè di vince ind’è voi è d’ùn perde fora. Malgratu una scunfitta in Furiani di fronte à Boulogne, ci vole à ricunnosce, ancu s’è u campiunatu hè sempre longu, chè u Sporting hè à l’appuntamentu. Cù deci punti in a stacca in cinque macci, i Turchini principanu bè a staghjone. Ma ogni partita t’hà a so verità. Capiclassifica, si spiazzanu sta sera in Villefranche, ottesimu di a classifica ma…

U ghjovanu purtieru di l’ACA rimpiazzerà à Benjamin Leroy, sabbatu in Grenoble. Di fattu, u titulariu hè statu ricunnisciutu pusitivu à u Siscu in a settimana. Deve stà solu durante una sette ghjornu secondu à u protocolu. Di colpu, u scontru di fronte à Grenoble serà u primu in a cabbia di l’ACA per Sollacaro… U destinu pichja à a vostra porta quand’ùn l’aspettate micca. Purtieru rimpiazzante di l’ACA dapoi trè anni, François Joseph Sollacaro, chì porta a maglietta « bianca è rossa » dapoi a so zitellina, ferà i so primi passi in Lega duie, stu sabbatu in Grenoble. Sin’à d’avale, avia…

Falatu in N3 da a DNCG in principiu di lugliu, u GFCA hà fattu valè i so diritti in fine di settimana scorsa per cunvince a cummissione d’appellu di u gendarmu finanziariu. I Rossi è turchini ponu pinsà, in fine, à l’aspettu spurtivu… U 17 di lugliu era monda aspettatu da i sustenidori aiaccini. Dopu à a decisione, in principiu di mese di a DNCG di falà u club in N3, cù tutte e so cunsquenze spurtive è ecunomiche, i dirigenti aiaccini anu organizatu a so difesa. Cusì, Mathieu Messina-Arrighi (Presidente azzunariu), Anthony Perrino (azzunariu), Julien Berenger (avucatu),  Jean-Michel Miniconi…

U campione di u mondu di bucciata era in Aiacciu iss’ultimi ghjorni à l’invitazione di u cumitatu di u Pumonte per sparte a so sperienza è so passione di a disciplina cù ghjovani di u quartieru di u Binda… Campione di Francia è campione di u mondu tante volte, Henri Lacroix hè ghjuntu dui ghjorni in Aiacciu, induve-postu chè i passiunati ùn si contanu più- ellu t’hà parechji amichi. U ghjucadore hà rispostu à l’invitazione di Patrick Borelli, presidente di u cumitatu di bucciata di u Pumonte. « Avemu vulsutu dà una sperienza tamanta à i nostri ghjovani, spiega u presidente, fà prugressi…

Quattordeci zitelli, frà tutti quelli chì cumponenu a struttura regiunale dedicata à l’atleti di nivellu altu anu ripigliatu u caminu di i tatamì dapoi l’ondeci di lugliu. Aspettendu di ripiglià i so quartieri à u CSJC, ghjè à u ginnasu San Paulu, ch’anu fattu i so primi passi dapoi guasgi quattru mesi… Dapoi l’arrestu di tutti i sport di marzu scorsu, e discipline liate à i cumbatti sò state l’ultime à ripiglià. I prufessiunali di l’arti marziali, elli, avianu avutu, dopu à a fine di l’urgenza sanitaria, u vinti di ghjugnu, a pussibilità di ripiglià, à pocu à pocu, a…

U miticu ghjucadore di u Sporting, sparitu in u 1983 averà a  so statula in bronzu in Furiani. Un prughjettu di l’artistu rucchisgianu Stephane Deguilhen chì hà dumandatu più di 400 ore di travagliu. L’inaugurazione di a statula hè privista per u mese di dicembre…  Prisentatu cum’è u più grande ghjucadore di u ghjocu à ballò corsu, capighjucadore di a famosa epupea di u 1978, sedeci stagione in turchinu, vittoriosu di a cuppa di Francia in u 1981 è sparitu troppu prestu dui anni dopu à l’età di trentatrè anni, Claude Papi averà per u sempre a so statula in…

Ancu s’ellu ci era pocu à sperà cù u so passaghju, eri davanti à u Cunsigliu di Statu, i dirigenti di l’ACA è tutti i sustenitori eranu appiccicati à u pocu chì fermava. A sintenza hè cascata in fine di dopu meziornu. U Cunsigliu di Statu hà seguitatu a decisione  di CNOSF. A dumanda di l’ACA ùn hè stata presa in contu. L’Aiaccini stanu ufficialmente in Lega Dui… Ghjè a fine d’una lotta amministrativa chì dura dapoi l’arrestu di e cumpetizione di marzu scorsu. I dirigenti di l’ACA si sò battuti durante più di trè mesi di fronte à a…

Pertutu da Calinzana luni à quattru ore di mane, l’atletu di u Sgiurà hè sbuccatu in fine di matinata in Conca cù un tempu di più di trentadui ore da sopra à quellu di François d’Haene  (trentunu ore è sei minute). Xavier Thévenard ùn hà micca battutu a prova suprana ma hà fattu  un tempu eccezziunale. Averà forse persu nantu à a seconda parte di u percorsu ch’ellu era in avanza sin’à Vizzavona. A prova di François d’Haene tene sempre…Thévenard si stalla quantunque à a seconda piazza Fà u famosu GR20 da Calinzana à Conca, a Corsica da u Nordu…

Ultima passata di u Gazelec in  principiu di settimana. Mentre ch’ellu aspetta a prussima staghjone in N2, u GFCA chì passava davanti à a DNCG, hè statu relegatu in N3 per via d’un aspettu suldarinu . I dirigenti anu una decina di ghjornu per appruntà u so appellu… Ghjè una bella piulata ch’ellu s’hè pigliatu u GFCA marti scorsu davanti à u gendarmu finanziariu di a FFF. Cunfideni, i dirigenti avianu appruntatu u so cartulare cù u budgettu di dui millione d’auri, ùn hà micca cunvintu a DNCG chì hà prununciatu a so relegazione in N3!  Una sintenza ch’ùn piace…