Auteur/autrice : Philippe Peraut

A spurtiva isulana hà ottenutu, sta settimana, u so bigliettu per i campiunati di u mondu di a disciplina chì s’anu da ghjucà da u sei à l’ondeci di nuvembre in Ispagna (Madrid). L’occasione, forse, di francà un passu ver di i ghjochi olimpichi di u 2020 in Tocchiò S’è noi fighjulemu u percorsu d’Alexandra Feracci, pudemu vede subbitu chè iss’atleta quì t’ hà, dapoi anni è anni, un bilanciu tamantu ! À l’età di vinticinqu’anni, hè stata dighjà 6 volte campione di Francia è 13 volte vittoriosa di a cuppa di Francia. Què per u solu nivellu naziunale. Campione,…

A squadra di u presidente Exiga ripiglia u campiunatu di Lega A da quì à deci ghjorni. Una ripresa cù listessa ambizione, quella di, sta volta, francà un altru passu ver di  a finale di u campiunatu di Francia. È perchè micca a vittoria ? « A sturietta diventata maiò ». E parolle scritte nantu à i muri di u Palatinu i ghjorni di macci sò, oghje, più chè mai d’attualità. Dapoi uni pochi d’anni, a squadra « rossa è Turchina » s’hè stallata à mezu à i più forti di u campiunatu. Per prova, e so piazze, ogni volta dapoi qualchì annu, in meza…

A spurtiva insulana, chì participava, a settimana scorsa à in Campiunati di u mondu in Baccù hà compiu a cumpetizione c’una bella medaglia d’argente cù a squadra di Francia… S’aspettava monda di Priscilla Gneto (-57 chilò) à l’occasione di i campiunati di u mondu chì si tenianu in Baccù (Aiserbadgianu) durante a settimana scorsa. Dopu à uni pochi di prublemi fisichi, l’atleta isulana ripigliva è t’ avia, torna una volta, ambizione logiche in sta cumpetizione. Ma pudia esse dilusa à u nivellu individuale c’una scunfitta in ottesime di finale (terzu giru) di front’à Nora Djakova (Cossovò) dopu à un ippon…

L’Aiaccini anu fermatu, dopu à duie scunfitte è duie parità, a so prima vittoria di a stagione in casa soia vennari di fronte à Valenciennes. Forse, un altru avvene, avà, pè a squadra bianc’è rossa. Ùn l’aspettavamu più ma, in fine, è dopu à quattru scontri è solu dui punti in Timizolu (Lorient è Parrighji), sta prima vittoria di l’ACA in casa soia hè ghjunta vennari scorsu. Masimu di front’à una squadra abbastanza difficiule à ghjucà, quella di Valenciennes. Eppuru, u scenariu hè statu duru pè una squadra bianca è rossa carca di dubbiti, aspettendu, à tempu, di marcà dapoi…

À l’ora induve u Gazelec si spiazza stu Vennari in Clermont per u contu di a novesima ghjurnata di Lega Duie, u difensore « rossu è turchinu » ci dà u so parè nantu à a situazione di a so squadra è dinò a soia dapoi u principiu di a stagione… Chì pensate d’issu scontru in Clermont ? Ghjè, à u me avisu, un scontru novu induve ùn ci vole micca fighjulà daretu. Avemu persu duie volte di fila, tuttu u modu a sà ma ci tocca à esse cuncentrati solu nantu à stu macciu quì. U gruppu campa abbastanza bè è si…

A 15 anni, l’attaccante « U17 » di l’ACA, chjamatu issa settimane per a seconda volta in a selezzione naziunale « U16 », avanza à pocu à pocu ver di u so destinu. Un destinu chì li pudaria purtà s’ellu cuntinueghja cusì, in u mondu prufessiunale… Tuttu u mondu, in Aiacciu, cunnosce à Matteo Tramoni, chì hà fermatu u so primu cuntrattu prufessiunale l’annu scorsu. E chì principia, à pocu à pocu, à impone si nantu à u fiancu drittu di l’attacca « bianc’è rossa ». Daretu à ellu, u so fratellucciu, Lisandru, ellu, face dighjà a so strada. Furmatu à l’ACA da chjucu, hè dighjà cunnisciutu…è…

U famosu spurtivu isulanu, chì si batte, oghje, dapoi tanti anni contru à u svantagiu, hà riesciutu, a settimana scorsa, una sfida maiò : fà, nuttendu, u giru di Corsica. Guasgi 500 chilometri niente chè per sustene tutti quelli chì sò tocchi d’una malatia o d’un svantagiu. Un omu strasordinariu… Guasgi sei ghjorni. Eccu u tempu ch’ellu hà messu Thierry Corbalan, a settimana scorsa, per fà u giru di Corsica…Nuttendu! Un percorsu di 500 chilometri riesciutu c’uni pochi d’ amichi. A l’età di 59 anni, è dopu à un svantagiu maiò (hè smuzzatu d’ i so dui bracci dopu à un…

L’affare hà fattu u giru di e rete suciale in fine di settimana scorsa. Dopu à un votu, l’Assemblea di Corsica hà dumandatu di manera ufficiale à a FIFA, di fà entre a Corsica. Di permette, cusì, à a Squadra Corsa, di participà  à  scontri internaziunali è, perchè micca, ghjucà una cuppa di u mondu. A Federazione Internaziunale hà, per contu soiu, rispostu dumandendu l’avisu finale di a FFF. E per Noël Le Graët, u so presidente, l’affare saria, nanzu à tuttu, puliticu è per avà « manc’à pinsà la.  Tandu, Squadra Corsa in a seconda manifestazione spurtiva di u mondu…

Dopu à una scunfita chì face male vennari in Mezavia di fronte à Nancy, ultimu di a classifica, l’addestradore aiaccinu ci dà u so parè… Chì hè u vostru sintimu nantu à a partita di vennari ? Pensu c’h ùn si pudia sperà monda affare in issu scontru quì chè a squadra di Nancy hà pigliatu a suprana nantu à noi durante tuttu u macciu è dinò tutti i duminii : e sfide fisiche, a pussessione di ballò, u ghjocu. Ci hè pocu affare à paragunà. Avemu stucciatu cinque volte à pocu pressu, elli quindeci. Pocu presenza davant’à a so…

A Lega contru à u cancaru è i so partenarii (CCI2A, Cità d’Aiacciu, CROS di Corsica) urganizeghjanu, issa dumenica, a terza edizione di l’Urban Trail Aiaccina. Una manera d’impegnà si, cù a corsa à pedi contru à a malatia… Lià u sportu è a salute, impegnà si contru à a malatia di u Cancaru, eccu ciò chì fù u scopu ricercatu da a Lega contru à  u cancaru è i so partenarii (CCI2A, Cità d’Aiacciu, CROS di Corsica) per mette in piazza, trè anni fà, a prima edizione di  « l’Urban Trail Aiaccina». Una manifestazione induve tutti, chjuchi o maiò, spurtivi o micca,…