Auteur/autrice : Philippe Peraut

L’ACA è u Gazelec si ritrovanu issu venneri in Timizolu per a settesima partita à issu nivellu. per avà, u bilanciu hè favurevule à  l’ACA (quattru vittorie, trè di fila). Una partita chì face parlà l’Aiaccini dapoi tanti è tanti ghjorni. Cum’è tempi fà. Nantu à u terrenu dinò, i ghjucadori aspettanu issu mumentu. Frà elli, un attore « particulare », GB Pierazzi, chì vulterà per a prima volta dapoi cinque anni in Timizolu. Ma ind’è l’altru cantu. Ci dà u so parè à qualchì ora di u macciu. -U to ritornu in Timizolu hè un mumentu particulare in a to carriera?…

I « fratelli nemichi » di a cità imperiale s’anu da ritruvà issu vennari per una prima partita monda aspettata. Aldilà di u bisognu di punti di e duie squadra, una certa rivalità serà sempre prisente. Niente chè trà i gruppi di sustenitori. Ma, à dilla franca, ponu esse fieri chè Aiacciu hè a sola cità di Francia (fora di u PFC è u Red Star ma senza stintu nè fervore) à cuntà duie squadre prufessiunale…Una rivalità, quantunque, chì ci face sfuglià qualchì pagina di u ghjocu à ballò aiaccinu è isulanu… Trè chilometri staccanu i stadii di Timizolu è Mezavia. Di…

L’atleta isulana, membre di a squadra di Francia, hà ottenutu una bella medaglia di bronzu à l’occasione di a ghjustra d’Abù Dabì issa dumenicata. Una cumpetizione chì li permette di principià bè a stagione è di marcà, dighjà, punti lampendu un ochju ver di   i ghjochi olimpichi… Priscilla Gneto era monda aspettata issa dumenicata in Abù Dabì à l’occasione d’una ghjustra chì marcava u principiu di a stagione. Scartata dapoi qualchì tempu, per via d’una ferita maiò, l’atleta isulana avia ripigliatu cù i « Turchini » u mese scorsu in Baccù (medaglia d’argente cù e « Turchine » in cullettivu). Ma u so scopu…

U cambiamentu d’addestradore ùn hà micca purtatu, per avà, i resultati aspettati. Vennari, è ancu s’è u dispusitivu prisentatu di fronte à Béziers era più ambiziosu, issa nova scunfitta, a terza di fila in casa, face male, una settimana nanzu d’andà in Timizolu… « U male serà, forse più prufondu ch’è noi a pinsavamu… » In trè parolle, Christophe Ettori, u direttore spurtivu di u Gazelec, hà fattu u riassuntu di a situazione di i rossi è turchini, vennari scorsu, dopu à una terza scunfitta di fila in Mezavia (Nancy, Orléans è Béziers). Una marca stretta (0-1), un’intrata ind’ a partita micca…

U vintidui di dicembre, a cità d’Aiacciu urganizeghja a quarta edizione di u so « city trail ». Una corsa, in u centru di a cità chì, in puchissimi tempi hè  diventata famosa è monda aspettata. E scrizzione principianu u trè di nuvembre. È pare chì ci sò dighjà dumande à pacchettu… Fà una corsa in cit nanzu à e feste di Natale, un’idea chì si sviluppa monda dapoi qualchì annu in parechji lochi. In Aiacciu, a municipalità, chì travaglia assai nantu à u sviluppu spurtivu (futvolei, buccie, tennis…) hà messu in piazza in u 2016, a prima edizione di a so…

L’addestradore novu di u GFCA hà cunnisciutu una prima partita difficiule, luni scorsu in u Nordu. Una scunfitta 5-0, un macciu piegatu in vinti minute, sbagli maiò in primu tempu è dighjà una pressione nanzu di riceve à Béziers, issu vennari in Mezavia. Hervé Della Maggiore ci dà u so parè nantu à issi punti, vinti quattru ore nanzu à u so primu macciu à u stadiu Ange Casanova… Chì pensate di a scunfittta in Lens luni sera ? Hè sicuru ch’è noi ci aspittavamu à una partita assai difficiule. Ùn vogliu micca cercà scusi ma mancavanu parechji ghjucadori è avemu…

Campione di Divisione d’Onore a stagione scorsa, a squadra di u presidente Pellegrini scupria, d’aostu, una cumpetizione dighjà cunnisciuta dece anni fà. Dopu à un principiu favurevule è u cuntinuti interessante, u gruppu scontra qualchì difficultà. Ma stà quantunque capace d’assicurà u so mantenimentu… À a fine di l’eserciziu 2008-2009, u FC Bastelicaccia, vultava da u CFA2 à a divisione d’Onore per…un puntu. Dapoi, n’hè passata acqua sottu à i ponti. U tempu, per i « Rossi » di travaglià una decina d’anni è di cunnosce una stagione 2007-2008 magnifica ! Una sola scunfitta è un bigliettu per cunnosce dinò a Naziunale 3…

U TP52 pilutatu da Laurent Camprubi, hà vintu, ghjovi scorsu u vinticinquesimu giru di Corsica à vele. Una perfumanza maiò per una regatta di duicentucinquanta migli in giru à l’isula… Un battellu à vele tamantu capace di sfidà i venti, una squadra di quindeci membri, un capitanu rinumatu ( di a squadra CNTL di Marseglia), un tempu adattatu à issa corsa è una cunniscenza maiò di u mare,  eccu l’elementi ch’anu permessu à « Alizée » è u so capimarinaru Laurent Camprubi, di vince u vinticinquesimu giru di Corsica, ghjovi scorsu. U battellu à vele hè ghjuntu u primu davanti e teppale…

Dopu à un maccione, i partenarii di Yohan Cavalli anu battutu à Le Havre vennari in Timizolu (3-2). Una prestazione, malgratu una debulezza à l’ora di ghjocu, d’un nivellu abbastanza altu da cunfermà per a seguita di u campiunatu. Più di 200 CRS in giru à u stadiu di Timizolu, una certa pressione messa da a stampa di Nurmandia, mintuendu, torna una volta, « l’evenimenti » di maghju scorsu mentre chè Oswald Tanchot ne vulia più sente parlà -o guasgi-, un serviziu d’ordini degnu d’un primu ministru per Vincent Volpe, u presidente di u Havre, eccu ciò chì fù, u cuntestu di…

I Bastiacci ricevenu à Saint-Rémy, secondu di a classifica, issu sabbatu in Furiani. A sola squadra ch’ùn hà persu dapoi u prinicipiu di u campiunatu. L’occasione, forse per i Turchini, di piglià e so distanze è sopratuttu di stallà si in tantu chè candidatu seriu per a NII… U Sporting in NIII. Una trista realità dapoi un annu. Ma ùn hè tempu di sfuglià e pagine di u passatu. Solu d’esse cuncentratu nantu à u presente. Cusì, è dopu una bella stagione, ma, per disgrazia, a seconda piazza chè solu u primu cullava in Naziunale II, i Turchini sò pertuti per…