Auteur/autrice : Philippe Peraut

À trè macci di a fine di u campiunatu, e duie squadre aiaccine sò in periculu. U GFCA hè sedicecimu cù trentottu punti è l’ACA diciottesimu cù trentasei punti. Di più, u calendariu ùn hè tantu favurevule per unu è l’altru. Periculu maiò per i dui! Per a prima volta dapoi ch’elli ghjocanu in u listessu campiunatu prufessiunale -a Lega dui- e squadre aiaccine sò,in periculu maiò. Per avè persu vennari scorsu in Mezavia di fronte à Sochaux (0-2), mentre ch’ellu pudia, in casu di vittoria, assicurà guasgi u so mantenimentu, u Gazelec, oghje, sedicesimu di a classifica, s’hè messu,…

L’Atletu  aiaccinu, membru di a squadra di Petru Sanna (Aiacciu Muay Thaï) hà vintu u campiunatu auropeu sabbatu scorsu à u Palatinu di fronte à u Ceccu Ladislav Kristufek. Una perfurmanza chì ci dà a cunferma di u sviluppu di a disciplina in Corsica. Aldilà di issu fattu maiò, a cinquesima notte spurtiva di i cumbatti averà tenuta e so prumesse… Appuntamentu maiò per tutti l’Aiaccini prisenti à u Palatinu sabbatu scorsu, u campiunatu d’Auropa di kick boxing trà Thibault Arias (Aiacciu Muay Thaï) è u Ceccu Ladislav Kristufek hà tentu e so prumesse. Cinque riprese in tuttu per una…

A scunfitta issu marti di fronte à Brest in Timizolu (0-2) ùn face micca l’affare di l’ACA di sculliscia di manera periculosa ver di a diciottesima piazza. Senza vittoria dapoi u vintidui di ferraghju, a squadra aiaccina dubbiteghja monda. In più di què, s’aspetta un spiazzamentu abbastanza difficivule vennari in Nancy… I macci si seguitanu è s’assumiglianu per l’ACA. Issu marti, di fronte à Brest, certu, secondu di a classifica, i « rossi è bianchi » anu prinicipatu bè a partita cù qualchì occasione. Pudemu, per indettu, pensà à quella di Boe Kan (28ma) ch’avaria pussutu scambià u scenariu d’issu macciu. In…

Cum’è sempre, a Corsica hè stata unurata à l’occasione di i campiunati di Francia di a disciplina chì si tenianu da u quattordeci à u vintunu d’aprile in Hyères. Trè ghjucadori, Marc’Andria Maurizzi è Elora Micheli (menu di dodeci anni) è Apollo Deladerrière (menu di dece anni). È per esse cumpletti, u Corsica Chess Club di Bastia hè statu classificatu squadra numaru unu di Francia. Ciò chì ci dà una vista di a disciplina in Corsica è aldilà… Tutti l’anni hè listessu affare. À l’occasione di ghjustre naziunale o internaziunale, i ghjucadori di scacchi isulani facenu sempre qualcosa. Certi voltanu…

A squadra aiaccina, dighjà, unurata da  ghjurnalisti è dirigenti issi pochi ghjorni principia, issu vennari, i Play-offs di fronte à Poitiers. Un’altra cumpetizione induve i Rossi è Turchini ponu sperà d’andà, sta volta, più luntanu… « Ghjè un’altra cumpetizione chì principia ma issa squadra hè capace di tuttu ». E parolle sò di Fred Ferrandez, addestradore di a squadra aiaccina u lindumane di a vittoria contru à Chaumont (3-1). Cusì, è dopu à duie settimane è una seria di deci vittorie di fila, si passa, à partesi da issu vennari, à altr’affare. U GFCA principia un altru percorsu di fronte à Poitiers, settesima…

U calendariu di a Lega una hà privistu parechji macci u cinque di maghju prussimu. Una decisione chì rilancia l’affare di ghjucà o micca u ghjornu anniversariu di u drama di Furiani. Per Ghislain Printant, oghje à Saint-Etienne ma anzianu addestradore di u Sporting, hè chjaru ch’ùn ci vole micca ghjucà… Tutti l’anni hè listessu affare per a Lega una o a Lega duie di ghjocu à ballò. Ghjucà o ùn ghjucà un cinque di maghju. In Ingliterra, si ghjoca (drama di Hillsborough), in Italia dinò (drama di u Superga) ma i dui paesi rispettanu iss’anniversariu. Quest’annu dinò, u calendariu…

Secondu di a fasa regulare cum’è in u 2014, u GFCA hè statu monda unuratu à l’occasione di u bilanciu postu à postu, publicatu da u cutidianu « L’Equipe » dopu à una ghjuria cumposta di ghjurnalisti è addestradori di Lega Una. Fred Ferrandez hè statu elettu addestradore di a stagione. Tim Carle, attaccante numaru dui (revelazione), Pujol numaru quattru à a passa cum’è Pepic in tantu chè compiipunti. In fine, Jef Exiga hè statu elettu libaru numaru trè. S’aspettanu, avà, i play-offs… U GFCA hà fattu, tuttu u mondu a sà, una seconda parte di campiunatu strasordinaria. Stà, oghje, nantu à…

À menu de sedeci anni, iss’atletu isulanu hà vintu u campiunatu di Francia di judo a settimana scorsa in Parrighji. Una bona per a disciplina in Corsica, masimu chè e femine piglianu a suprana nantu à i masci… In Judo avemu l’abitudine, dapoi anni è anni, di mintuà e femine corse, ch’elle sighinu e surelle Gneto, di sicuru, capimachje d’una disciplina induve a Corsica si piglia e medaglie una apressa à l’altra, o, Ghjuliana Ballo, l’ultima zitella à esse unurata. Dapoi a settimana scorsa, i masci cumencianu, elli dinò, à fà si valè. Orso Dermée-Feracci, menu di sedeci anni hè…

U Palatinu accoglie issu sabbatu a cinquesima edizione di a notte spurtiva di i cumbatti. Una manifestazione urganizata da u BCA di Petru Paoli è l’Aiacciu Muya Thaï di Petru Sanna chì metterà in vale, dodeci cumbatti in e duie discipline. Frà elli, un campiunatu d’Auropa Muay Thaï cù l’Aiaccinu Thibault Arias, campione di Francia, di fronte à l’atletu di Cecchia Ladislav Kristufek. Bellu spettaculu in perspettiva… Ghjè un bellu spettaculu ch’elli puderanu vede l’amatori di Pugilatu è quelli di a disciplina « vicina » Pede-Pugni (Muay Thaï, K1), issu sabbatu à u Palatinu, un locu di predilezzione per issu genaru d’evenimentu.…

L’attaccante menu di sedeci anni di l’ACA hè statu sceltu da  José Alcocer, addestradore di a squadra di Francia per participà da u sedeci à u vintidui d’aprile à a famosa ghjustra internaziunale di Montaigu induve parechji ghjucadori, oghje, monda cunniscitu, sò passati. Una bona per un ghjuvanotta chì face, à pocu à pocu a so strada… L’ultima volta ch’avemu vistu à Lisandru Tramoni in a squadra di Francia era…di ferraghju in Ingliterra. U ghjovani attaccante (menu di sedeci anni) s’era fattu rimarcà cù trè realisazione è una passa decisiva participendu, cusì, à u percorsu di a so squadra. Era…