Auteur/autrice : Philippe Peraut

U tiru à l’imbusca di l’ottesime di finale di a cuppa di Francia, chì s’anu da ghjucà u primu o u dui di ferraghju  di u 2020 à u Palatinu, hà sceltu, torna una volta, a squadra di Parrighji cù tutte e so « stelle » per ghjucà contru à u GFCA. L’occasione, perchè micca, di piglià a rivincita… Dui anni. Eccu u tempu passatu dapoi a prima partita di cuppa di Francia trà u PSG è tutti i so ghjucadori internaziunali è u GFCA, chjucu, chjucucciu, Di fattu, a storia ripiglia listesse squadre, listessu locu (U Palatinu) è listessu giru (ottesime…

Vitturiosu cù a manera, sabbatu scorsu di fronte à Istres (Lega Una) in sedicesima di finale di a cuppa di Francia, u GFCA cuntinueghja a so strada in issa cumpetizione è dinò in campiunatu induve ùn hà persu ch’una volta dapoi u principiu di a stagione. Segnu chè i Diavuli Rossi marcanu subbitu u so territoriu… U Rossini era bellu carcu sabbatu scorsu. À l’occasione di e sedicesime di finale di a cuppa di Francia, i Rossi è Turchini avianu lasciatu u Palatinu, per ritruvà a so « Pignatta ». In faccia, a squadra d’Istres (ottesima di prima divisione), benchè senza a…

Centu stazianti di u Mungunwha Corsica tae kwon do ani passatu una ghjurnata cù Anne-Caroline Graffe, vici-campioni ulimpica di a disciplina. Una bedda ghjurnata pà tutti, ziteddi è maiò, dumenica scorsa. Dopu à a so medaglia di bronzu, in u 2012 in Londres, Anne-Caroline Graffe era ghjunta dighjà una volta in Aghjacciu pà gestiscia una ghjurnata di staziu. Setti anni dopu, hè vultata in a cità imperiali, sempri invitata da Nicolas Sanna, capifila di u Mungunwha Corsica Tae Kwon Do. À u prugramma, scaldamenti è esercizii pà i ziteddi (difesa, pedi, mani, incatinamenti) a matina, è un travaddu più…

L’Aiaccini anu fattu un maccione vennari di fronte à Parrighji. Una vittoria ma dinò un cuntenutu interessante è forse, a cunferma chè issa squadra pò ghjucà questu annu, altru affare chè u mantenimentu Di memoria di sustenidore rossu è turchinu, facia un pezzu chè u GFCA ùn avia cacciatu un macciu cum’è quellu di vennari. Mal’principiatu ma, dopu, una qualità di ghjocu chì li permette, oghje, di sunnià in sta Lega Una… In stu macciu, sò i Parrighjini chì entrenu u megliu. Anu da, subbitu, piglià a suprana di fronte à una squadra aiaccina chì, di fattu, passerà accantu in…

Trè ghjorni dopu à a sintesa di i scontri di u sport, Lauda Guidiceli, cunsigliera esecutiva à l’origine d’issu prughjettu maiò, ci dà u so parè nantu à a situazione. Chì pensate di a sintesa di i scontri di u sport? Avemu avutu ottanta pruposte chì ghjunghjenu d’attori di u terrenu. Ghjè a prima volta ch’una cunsultazione và cusì luntanu per ciò chì tocca à a pulitica spurtiva. Per noi, hè una bona. Ma ùn hè ch’un primu passu. Stu travagliu s’hà da arrichisce à pocu à pocu. Avemu da ancu cercà à fà megliu. A seguita? ci vole à…

Terza di a classifica, l’ACA si spiazza duie volte di fila stu vennari in Chambly è marti in Niort nanzu di compie a prima parte di u campiunatu di fronte à Lens, capifila di Lega duie è in Troyes (u 21), quartu di a classifica. L’occasione di misurà s’è u gruppu t’hà a capacità à tene u so rolu… U ritimu cuntinueghja per i bianchi è rossi chì tenenu a so piazza in i cinque primi dapoi guasgi u principiu di l’eserciziu. È forse ancu megliu (à spessu in i trè primi). Di regula, sò statistichi chì ci danu uni…

Novesimu di a classifica (ondeci punti)  à quattru macci di u mezu percorsu, u GFCA, chì hà apertu, d’ottobre scorsu, una pagina nova, ci dà l’impressione di pudè fà assai megliu. Mancu di sperienza, di precisione, u maccione di fronte à Rennes, sabbatu scorsu carraterizeghja, à ellu solu, u percorsu di i rossi è turchini. Una squadra, capace di suffià u caldu è u fretu. Fred Ferrandez ci dà u so avisu nantu à stu principiu di stagione. -U GFCA hè novesimu di a classifica. Chì hè u vostru parè nantu à u principiu di a stagione ? Sò…

Dopu à quattordeci anni à u serviziu di u Gazelec, Olivier Miniconi, presidente di u GFCA, hà datu, stu luni, a cunferma di a so partanza da a squadra « rossa è turchina ». Aspettendu, l’arrivu d’un altru presidente, ghjè Christophe Ettori, attuale direttore spurtivu, chì ferà a leia. Olivier Miniconi starà, per avà, u solu presidente du u Gazelec à avè fattu cullà u club in Lega una… A nutizia, tuttu u mondu a cunniscia più o menu in i quartieri aiaccini. È què, forse dapoi qualchì tempu. Hè diventata ufficiale stu luni in fine di matinata. Olivier Miniconi…

L’atleta aiaccina, chì participava, issa, à a dumenica, à a  cuppa di Francia « Kata » in Saint-Quentin, volta cù un tredicesimu titulu. In finale, hà battutu à Letizia, a so surella. Aldilà di e duie Feracci, a cumpetizione hà permessu à ghjovani corsi di mettesi in vale… Feracci contru à Feracci, ci vole à piglià ne l’abitudine à l’occasione di cumpetizione dedicate à i maiò. In Saint-Quentin, induve si ghjucava issa dumenica, a cuppa di Francia « Kata », e duie surelle anu pigliatu, subbitu, a suprana nantu à tutti l’atleti cù, ogni volta, una vittoria 5-0. In finale, Alexandra vince di fronte…

Senza vittoria dapoi sei macci (à mezu à settembre), cacciata da a cuppa di Francia a settimana scorsa è priva di parechji di i so quadri, a squadra aiaccina, chì riceve à Quévilly stu vennari in Mezavia (senza i so sustenidori), cunnosce una perioda assai difficiule. Eppuru, li tocca à reasgisce.  Sedicesimu di a classifica (deci punti), senza vittoria dapoi u tredeci di settembre, u GFCA hè in u duru…Forse unu di i percorsi i più difficiuli di a so storia. Senza cuntà i suspesi (Lippini, Campanini, Anziani) è i feriti (Pierazzi, Beusnard). È s’è noi aghjustemu trè macci  privu…