Nanzu di principià a cumpetizione di settembre prussimu, a squadra di futsal di l’AS Jardins de l’Empereur hà prufitatu di ste duie settimane di vacanze sculare per fà i so primi passi di fronte à l’ACA Futsal. Aldilà di duie scunfitte, si ritene u piacè è e leie d’amicizia cù a squadra « Bianca è rossa ». U restu ghjunghjerà, di sicuru, à pocu ![0[1]](https://corse-sport.corsica/wp-content/uploads/2019/03/01-300x225.jpg)
à pocu…
A squadra di l’AS Jardins de l’Empereur cuntinueghja à fà a so strada in u mondu di u Futsal. Cusì, dopu à partenariati cù In piazza Magazine è dinò Century21 Aiacciu, è nanzu d’andà in Saint-Etienne à a fine di u mese à scuntrà à Remy Cabella, cumpare di l’Associu, s’hè trattatu issi pochi ghjorni, di l’aspettu spurtivu. « Ringraziemu a squadra di l’ACA Futsal, d’avè ci accolti à u CSJC duie volte per ghjucà, spiega a squadra dirigente, certu avemu persu duie volte (9-2 è 6-0) ma ci vole à sapè ch’è noi principiemu ghjustu. I ghjucadori, ùn si cunnoscenu micca è per a maiò parte, mancanu di cundizione fisica. Ma avemu fattu quantunque prugressi. S’hè vistu à l’occasione di a seconda partita, chè di manera tecnica eramu à u nivellu. »
U piacè maiò per i dodeci ghjucadori chì, duie volte, anu purtatu a maglietta « azurra ». L’addestramenti anu da principià, à partesi da dumenica. Nanzu di participà, da quì à pocu, à una ghjustra cù e trè altre squadre di u circindu aiaccinu…U campiunatu, ellu, principierà di settembre…
