I ghjucadori i più forti di l’isula eranu prisente, sta dumenicata in u Borgu à l’occasione di i campiunati di Corsica di a disciplina. Senza surpresa, u ghjovanu balaninu Antoninin Romieu aghjusta un titulu novu di campione di Corsica à u so p
ercorsu. Ind’è e femine, ghjè Agnès de Moment chì vince a ghjustra.
Assai aspettate sta dumenicata in u Borgu, i campiunati di Corsica anu tenutu e so prumesse cù una participazione maiì d’atletiti ghjunti da tutti i lochi di l’isula. Frà elli, ottu ghjucadori di seconda seria, ciò chì ci pudia dà a prova d’un nivellu assai altu. In finale, ind’è i masci, Antonin Romieu, tredeci anni è numaru cinque auropeu di i menu di quindeci anni hà suffertu di fronte à un ghjucadore più anzianu, Clément Bouldore, nove volte campione di Corsica. U Balaninu s’impone in cinque partite (11-4, 6-11, 6-11, 11-4, 11-7) ind’un macciu assai strettu. Ind’è e femine, a Burghese Agnès de Moment vince in finale di fronte à Roxane Dekhmouche (3-0). Una ghjustra chì hà messu in vale u nivellu di l’atleti isulani…
