À trè macci di a fine di u campiunatu, e duie squadre aiaccine sò in periculu. U GFCA hè sedicecimu cù trentottu punti è l’ACA diciottesimu cù trentasei punti. Di più, u calendariu ùn hè tantu favurevule per unu è l’altru. Periculu maiò per i dui!
Per a prima volta dapoi ch’elli ghjocanu in u listessu campiunatu prufessiunale -a Lega dui- e squadre aiaccine sò,in periculu maiò. Per avè persu vennari scors
u in Mezavia di fronte à Sochaux (0-2), mentre ch’ellu pudia, in casu di vittoria, assicurà guasgi u so mantenimentu, u Gazelec, oghje, sedicesimu di a classifica, s’hè messu, solu solu, a pressione. Per contu soiu, l’ACA ùn hà più vintu dapoi un vintidui di ferraghju. Nove macci, trè punti nantu à vintisette, l’affare diventa assai difficiule per tutti i dui. Masimu ch’elli anu da compie a stagione in Troyes, terzu di a classifica, per l’ACA è u PFC, cinquesimu per u GFCA. Nanzu à issa fine monda periculosa, u GAZ è l’ACA devenu fà un passu ver di u mantenimentu. Sei squadre, trà Auxerre (tredicesimu, trentadui punti) è l’ACA (diciottesimu, trentasei) si tenenu in trè punti. Ogni puntu valerà oru. Issu vennari u GFCA si spiazza in Le Havre. Per contu soiu, l’ACA riceve à Orléans cù u solu scopu: i trè punti…
