L’Assemblea Generale di a Lega Corsa di tennis chì s’hè tenuta issa dumenicata in Aiacciu hà messu in vale u travaglione fattu questu annu, i resultati ma dinò e strutture o e perspettive à vene.
Sottu à a presidenza di Philippe Medori, l’AG 2023 di a Lega Corsa di Tennis s’hè tenuta issa dumenicata in Aiacciu. Nanzu à l’apertura, i dirigenti prisenti anu resu umaggiu à Vincent Castola, sparitu à 54 annni dopu à una longa malatia. « Universitariu, Presidente di u TC Mezzavia dapoi u 2012, passiunatu di Tennis, lascierà un viotu tamantu cù i so valori umani ricunnisciuti da tutti, spiega Philippe Medori, avemu da tene in mente, l’imagine d’un presidente ambiziosu, cjì hà sulcatu u so travaglione à u TC Mezzavia, fendu d’issa struttura, unu di i capimachja di a Lega. »
L’Assemblea Generale chì hà seguitatu, cù a participazione di 25 squadre nantu à e 37 chì cumponenu a Lega, hè stata marcata da dui tempi maiò : a parte amministrativa u sabbatu da mane, nanzu à una serata in cunvivialità è una seconda parte, a dumenica, dedicata à tematiche precise : s’hè trattatu di cumpetizione, di u paddle chì si sviluppa abbastanza bè, di u tennis-salute, di l’aiute à e strutture, di u beach tennis. « Una staghjone strasordinaria, aghjusta u presidente, e licenze sò cresciute dapoi 5 anni, è i resultati sò u fruttu d’azzione diverse messe in piazza per ciò chì tocca à furmazione, a cumunicazione, l’aiute… » In u 2023, 217 ghjustre sò state urganizate è più di 12000 macci ghjucati. A densità di a cumpetizione, a furmazione, l’impegnu di e squadre tecniche è a qualità di u travagliu fattu in a maiò parte di i club sò à l’origine di tanti resultati chì testimuneghjanu di a salute di a disciplina : -9u campiunatu di Francia seria trè per Simon Bres -Alice Battesti vice campione di Francia 17/18 anni.
L’integrazione à u « Pôle Francia » di Lola Tremellat -Orlane Meynard et Eva Tissard campione di Francia 13/14 anni di Beach.-Gail Benedetti campione di u mondu…D’una manera generale, a bona salute di i club isulani. « Semu a sola Lega ch’ùn hà micca persu un club dapoi a perioda di a pandemia è cuntinuemu à fà prugressi, aghjusta torna ajoute Philippe Medori. » L’aiuti à i club, i prughjetti strutturanti (dui terreni di beach, quattru in terra rossa, dui in rasgina nantu à u siti di Lucciana), partenarii, a perspettiva d’accoglie una delegazione internaziunale in u quadru di Parrighji 2024 o a custruzzione di dui terreni di tennis (unu cupertu) à u CSJC, guasgi finitu à a fine di dicembre, custuiscenu i scopi maiò à cortu andà. Una Lega dinamica chì cuntinueghja à avanzà.
