Malgratu a parità, vennari scorsu, di fronte à Le Havre, in Timizolu (2-2), l’ACA hà sviluppatu qualità è virtù interessante per a seguita di u campiunatu…
U bichjeru mezu pienu o mezu viotu, eccu ciò chì pò ritene di u macciu trà l’ACA è Le Havre di vennari scorsu. D’un cantu, dui punti persi, masimu in casa soia, da l’altru, un cuntinutu assai interessante. sopratuttu in primu tempu. « Semu quantunque dillusi, spiega Olivier Pantaloni, l’addestradore biancu è rossu, ch’aviamu l’occasione per entre, à mezu tempu cù un’avanza più impurtante. Ci avaria permesse d’esse di più à l’agrottu è di pudè gestisce. mentre chè quì, hè statu u cuntrariu. In più di què, avemu fattu dui « rigali » à Le Havre. Ancu assai ch’avemu avutu l’energia necessaria per andà à cercà a parità. Ma si pudia sperà megliu. » Un puntu è un cuntinutu chì, secondu à u publicu prisente in Timizolu, ùn s’era più vistu dapoi anni è anni. Certu, u campiunatu principa appena ma ci vole à ricunnosce chè l’Aiaccini anu fattu a so preparazione senza i ghjucadori novi è cù una certa pressione, chè luntanu da u terrenu, si passava l’appellu davanti à a DNCG. tandu, si pò sperà megliu. masimu cù un principu di stagione di Gaëtan Courtet (duie realisazione per u so primu macciu) è Cyrille Bayala in tutti i colpi uffensivi…« Ci hà da vulè à squassà i nostri sbagli è à esse più realisti davanti è daretu. » Da cunfermà stu vennari in Grenoble
