Imprestatu da Brest induve era in cuncurrenza, issu ghjovanu difensore centrale (20 anni) hè u primu ghjucadore à vene à rinfurzà u gruppu aiaccinu per a seconda parte di u campiunatu
Aspettavamu piuttostu rinforzi in davanti da u cantu di l’ACA per parà a ferita di Bayala è a partenza di Bammou in China dopu à u macciu contru à Valenciennes. Ghjè da u cantu di a difesa ch’ellu affacca un ghjucadore novu. S’agisce di Josué Eescartin, difensore centrale furmatu in Brest ma passatu a staghjone scorsa, per Bastia Borgu in Naziunale una nanzu di vultà, à l’occasione di a seconda parte di u campiunatu cù a riserva di Brest induva ellu era capitanu. Un rinforzu impurtante per l’Aiaccini, masimu ind’un settore induve ùn ci hè chè trè ghjucadori di sperienza: Cédric Avinel, Maxime Chanot è Clément Vidal. U primu hè feritu dapoi cinque partite, u secondu, ghjuntu à a fine di u mese d’aostu, ùn hà ghjucatu chè 10 macci. L’ACA hè ancu statu custrettu di ghjucà duie volte cù una difesa centrale nova di fronte à Laval (Vidal, Campanini) è Valenciennes (Vidal-Khelifa). A ghjunta d’issu ghjucadore novu, chì hà marcatu in maccu di preparazione di fronte à Martigues, hà da permette di duppià i posti. Josué Escartin, ellu, t’hà sei mesi per mustrà e so qualità à un nivellu più altu chè l’annu scorsu. L’ACA chì hà ritruvà un gruppu cumplettu aspetta a ghjuntadi dui altri ghjucadori in davanti, nanzu à a fine di u Mercatu
