A famiglia di u Pugilatu corsu invitata da u BCA

0

20180326_25_3_1_0_0_obj17119971_1_xwh_642x409_xwhA squadra di u BCA urganizeghja, issu sabbatu à u Pasquale Rossini, dui cumbatti prufessiunali è una decina amatori. Un prugama induve si ritrovanu tutte e squadra di Pugilatu corsu : I ringhi aiaccinu, bastiacciu è carghjisanu. L’occasione, d’adunisce tutta a famiglia d’iss’arte monda adupratu in Corsica…

U Pugilatu serà, forse, una di e discipline e più unurate è cunnisciute in Corsica dopu à u ghjocu à ballò o e corse di vittura. Per contu soiu, u BCA, purtatu da u so capimachja Petru Paoli, cerca à mantene un certu estru dapoi più di quaranta anni. Ùn si contanu più  i spurtivi maiò esciuti da a sala di u Michele Bozzi, vicinu à u quartieru di i Canni. Ogni volta, i cumbatti urganizati  serata sane permettenu d’avè un sguardu nantu à e squadre. Ogni volta, i cumbatti prufessiunali custituiscenu u spechju necessariu per mantene issa dinamica è, à tempu, fà vene ghjovani à a sala.

Prima seria di l’annu, i cumbatti urganizati issu sabbatu à u Rossini. Cum’è sempre, un prugrama abbastanza carcu : dui cumbatti prufessiunali è una decina amatori. Ma sta volta, u BCA puderà cuntà nantu à dui spurtivi prufessiunali. Dimitri Gourier, dighjà cunnisciutu (menu di settantottu chilò, trè vittorie è una scunfitta) è, per a prima volta, Rachid Azhour, un zitellu di i Salini chì hè cresciutu à mezu à Petru Paoli. Dopu à dece anni ind’u mondu amatore, serà u so primu cumbattu prufessiunale. I dui atleti anu da pugilà di fronte à dui spurtivi russi: Vladzimir Karchevitch per u primu è Mikalai Trukhan per u secondu. Daretu à issi dui capimachji, una decina di cumbatti amatori per una squadra corsa (R Aiaccinu, Bastiacciu è Carghjisanu) di fronte à una squadra di u rughjone PACA. L’occasione, di misurà u percorsu d’ongnunu è di mette in vale u so travagliu…

Partager.

Réagir en direct