Fratellucciu di u famosu Corsica Raid, u Raid Oxy’Jeunes (sfida natura) hè statu l’occasione durante très ghjorni, à u principiu di u mese è per più di trenta squadre, di mettesi à l’onore è di participà à una cumpetizione chì face, à pocu à pocu, a so strada…
Per a so tredicesima edizione, a sfida natura hè pertuta San Fiurenzu per un percorsu di trè ghjorni –da u sette à u nove di ghjugnu- ingiru à u Nebbiu. In tuttu, sò centuvinti ghjovani da quattordeci à diciassetti anni –in squadre di trè- chì ci anu participatu. VTT, corsa d’urientazione, corsa di notte nutera, trail, kayak, eccu ciò chì funu questu annu e discipline scelte. S’è l’inseme di i participanti ponu esse felicitati da l’urganizatori –a Cullettività di Corsica cù un impegnu maiò di Cristofanu Gianni- uni pochi di premii sò stati rimessi –da Lauda Guidicelli, cunsigliera esecutiva incaricata di e discipline spurtive- à e trè prime squadre d’ogni categurie : Speed Oxy, I Curtinesi, Bruhhh (17 anni masci), les Sportiflettes, la Brochette, les enragées du Haut Taravu (femine 17 anni), les Balireaux (mazsci 14 anni), Le bon, la brute et le truand (masci 17 anni). Issa cumpetizione permette, dapoi u so principiu in u 2007, di mette in vale un certi spiritu è valori cum’è l’aiutu, a sulidarità, u rispettu di sè, di l’altri è di l’ambiente. Un ringraziu maiò à tutti è l’annu prussimu.
