I dui anziani campioni d’Auropa anu vintu l’ondecesima edizione di a ghjustra di u Neptune issa dumenicata. Una ghjustra chì marca u principiu di a stagione per una disciplina monda rinumata ind’è noi.
L’Ipanema Foot Volley urganizava issa dumenicata nantu à a rena di u Neptune, l’ondecesima edizione d’una ghjustra sculpita cum’è un evenimentu maiò in u paisaghju spurtivu aiaccinu. Vintiquattru duppiette eranu in corsu durante trè ghjorni cù, frà elli, trè anziani campioni d’Auropa favuriti di a manifestazione: Antoine Ottaviani, Anghjulu Maria Plasenzotti et Lucien Alessandri, i dui ultime ghjuchendu inseme. Daretu à elli, una generazione d’atleti chì facenu à pocu à pocu a so strada in a disciplina cum’è Mathis Amaro, Aurélien Aresu, Oscar Moore
o Pierre-Louis Faedda. In fine, ghjè a duppietta, Plasenzotti-Alessandri chì vince in finale di fronte à Romain Gentili è Thomas Biancardini, ind’una partita abbastanza stretta (15-18, 18-12, 15-9). « Una très bella ghjustra, si feliciteghja félicite Jean- Christophe Gruetmasson, presidente di a squadra aiaccina, un bellu nivellu è ghjovani ch’anu datu prublemi à i maiò. Hè impurtante di tramandà à i nostri ghjovani issa disciplina, di furmà li per pudè assicurà l’avvene di a disciplina. » In issa perspettiva quì, l’Ipanema Footvolley hà da urganizà parechje manifestazione durante l’estate. Prussima tapa, u vintisette di lugliu nantu à a rena di u Trottel.
U Corsica Foot Volley metterà da u so cantu una ghjustra, u vintunu in Carghjese. Tuttu què aspettendu u campiunatu d’Auropa à a fine d’aostu in Bastia.
