Umaggiu à Ghjuvanni Fabiani

0

S’hè spentu issu ghjovi à l’età di novanta quattru anni, Ghjuvanni Fabiani, presidente è fundadore di l’EGS, a so squadra di sempre. Cun ellu, sfugliemu qualchì pagina di u ghjocu à ballò isulanu è aiaccinu ma, à tempu, a storia d’issu quartieru natu in l’anni cinquanta…50241600_1209435682565452_3841005204321337344_n

A nutizia hà cumossu  tutta a populazione aiaccina issu ghjovi dopu meziornu. Ghjuvanni Fabiani, famosu fondadore è presidente di l’EGS, s’hè spentu à l’età di novanta quattru anni. A cità imperiale è, aldilà, a populazione di u quartieru di i Salini sò, oghje, in dolu. Ch’anu persu, unu di i soi. Prisente in quellu quartieru dapoi più di cinquanta anni, iss’omu di ceppu ulmisgianu, hà vistu cresce, à tempu, un locu d’estru paisanu, è a so squadra di ballò. Ghjucadori famosi cum’è Louis Marcialis o u so cuginu César Nativi, sò nati in issu quartieru. Ci arricurderemu dinò, d’un omu pietosu, sempre prontu à dà una manu, à esse un secondu babbu per tanti è tanti zitelli di u quartieru. Cù u so travagliu d’ogni ghjornu, hà riesciutu à manteneli nantu à u filu di a vita. Assai felice, l’annu scorsu, à l’occasione di a mostra « Aiacciu tempi fà », ci avia cuntatu tante sturiette nantu à un locu ch’ellu avia vistu alzà si una petra dopu à l’altra. Oghje, Aiacciu è i Salini anu persu unu di i so figlioli. U più bellu umaggiu ch’elli pudarianu rende à iss’omu di core, saria di cuntinuà u filu umanu è suciale ch’ellu hà sulcatu…

 

 

 

 

Partager.

Réagir en direct