U Sporting vole mantene u so ritimu

0

I Bastiacci ricevenu à Saint-Rémy, secondu di a classifica, issu sabbatu in Furiani. A sola squadra ch’ùn hà persu dapoi u prinicipiu di u campiunatu. L’occasione, forse per i Turchini, di piglià e so distanze è sopratuttu di stallà si in tantu chè candidatu seriu per a NII…5n3a5220

U Sporting in NIII. Una trista realità dapoi un annu. Ma ùn hè tempu di sfuglià e pagine di u passatu. Solu d’esse cuncentratu nantu à u presente. Cusì, è dopu una bella stagione, ma, per disgrazia, a seconda piazza chè solu u primu cullava in Naziunale II, i Turchini sò pertuti per un altru eserciziu à u nivellu ghjustu da sopru à  u Regiunale. I dirigenti anu sceltu di mantene à Stefanu Rossi à u capu di a squadra, per, ghjustapuntu, travaglià à long’andà. Anu cercatu dinò, à arrimbà si nantu à ghjucadori corsi. Quessa hè una bona chè a squadra turchina riesce dapoi u principiu di u campiunatu, à sviluppà un ghjocu interessante, mischiatu cù u stintu chì face u valore di u ghjocu à ballò isulanu. Tandu, si pudia sperà monda, masimu chè i Bastiacciu facianu, d’aostu, a corsa à u capu di a classifica. Ma anu pensatu, forse, chè l’affare era dighjà in u saccu. È si sà, in tutte e discipline spurtive, chè a so realità hè quella di u spaziu di ghjocu. Tandu, a prima scunfitta di a stagione, in Aubagne, l’ottu di sittembre (1-0) serà stata un male per u bè. I ghjucadori anu pigliatu cuscenza di a difficultà à mantene u so statutu di favuritu di a cumpetizione. Anu « pacatu » per amparà…è ripigliatu a so strada. A settimana scorsa, mentre chè u Sporting vincia nantu à a u terrenu di Le Cannet (1-3), Saint-Rémy (capu di a classifica) era custrettu à a parità di fronte à Gemenos (1-1). U SCB n’hà prufitatu per ripiglià a so prima piazza cù un puntu d’avanza nantu à Saint-Rémy. Tandu, ghjè un maccione ch’aspetta l’omi di Stefanu Rossi issa dumenicata di fronte à u secondu di a classifica. Una partita à sei punti chì li pudaria permette di piglià e so distanze…

Partager.

Réagir en direct