U Sporting in ottesime di finale !

0

 

Senza esse tremende, i Bastiacci anu battu à Noisy le Grand, eri in Furiani (2-1). Per a prima volta dapoi dui anni, i Turchini, chì ghjucheranu contru à Caen u 6 o u 7 di ferraghju, anu da riceve una Lega una in Furiani…94cdf

Ondeci anni. Facia ondeci anni chè u Sporting ùn avia più francatu e sedicesime di finale di a cuppa di Francia. Una cumpetizione induve i più « chjuchi » cercanu, à spessu, à scuzzulà i più maiò. È nanzu à Noisy le Grand, i Turchini n’avianu scuzzulatu duie : Le Mans, anziana squadra prufessiunale è Concarneau, duie squadre di Naziunale una. Si sapia quantunque chè l’affare saria più difficiule di fronte à l’amatore di R1. Masimu ch’elli avianu cacciatu, prima di ghjunghje in Furiani Clermont è u Gazelec. Senza esse tremende, u Sporting hà fattu l’essenziale : assicurà a so piazza per l’ottesime di finale cù duie realisazione di Moretti cù l’aiutu di u purtiere (34ma) è Mesbah (44ma). Una vittoria chì li permette di ritruvà, ondeci anni dopu, issu nivellu di a cumpetizione (in u 2008, u SCB, in L2, avia persu di fronte à u PSG « anzianu mudellu » 2-1). U 6 o u 7 (da cunfermà), u Sporting riceverà, à Caen è i so anziani bastiacci (Crivelli, Oniangué, Beauvue, Djiku è Skli addestratore di i purtieri). Un picculu « derby » è l’occasione, dui anni dopu u tristu macciu di fronte à Liò, di ritruvà un perfumu di a Lega una. È di fà u pienu in Furiani !

Partager.

Réagir en direct