U GFCA Hand vicinu di a Naziunale duie!

0

Dopu à trè anni marcati, d’evenimenti spurtivi più o menu boni, masimu incù a ripresa di a squadra dirigente nova, u GFCA, ùn hè mai statu cusì vicinu di francà u passu ver di a Naziunale una. Issu sabbatu, à u Rossini, i ghjucadhandballori « rossi è turchini » anu l’occasione, di fronte à Antibes di valutà à so accessione…

Un macciu. Eccu ciò chì ferma à u GFCA per valutà a so piazza in Naziunale a stagione chì vene. Dopu à un percorsu tremende, masimu dapoi u principiu di u 2019 (alcuna scunfitta), i ghjucadori di Yan Basny anu da pudè festighjà, issu sabbatu s’elli vincenu di fronte à Antibes. Un macciu particulare cù u spritu di rivincita per i rossi è turchini di fronte à una squadra ch’avia vintu…di manera ammistrativa. Una storia di « mutatu » è d’un ghjucadore ch’ùn era micca qualificatu, mentre chè u GFCA avia vintu di manera spurtiva. « Hè l’appuntamentu di l’annata, spiega Yann Basny, l’addestrdore aiaccinu, u totru saria di ghucà issu macciu nanzu è d’ùn esse prisente u ghjornu stessu. Avemu travagliatu tuttu l’annu per ghjunghje à issu puntu quì, ci tocca, avà, à fà ciò chì ci vole per valutà a nostra piazza in Naziunale dui. » A sala di u Rossini s’appronta à bolle torna una volta per vede a squadra aiaccina avanzà ver di un destinu bellu culuritu. Cum’ è qualchì fà…

Partager.

Réagir en direct